ប្រកាសចូលកាន់តំណែង ក្រុមប្រឹក្សាស្រុកអាណត្តិទី៣ ក្រោមអធិបតីភាពលោកស្រី យូ សុភា អភិបាលរងខេត្តសៀមរាប
ខេត្តសៀមរាប៖លោកស្រី យូ សុភា អអភិបាលរងខេត្តសៀមរាប តំណាងដ៏ខ្ពង់ខ្ពស់ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប ព្រឹកថ្ងៃចន្ទ ១៥កើត ខែជេស្ឋ ឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី១៧ ខែមិថុនា ឆ្នាំ២០១៩នេះ បានអញ្ជើញជាអធិបតីក្នុងពិធីប្រកាសចូលកាន់តំណែង ក្រុមប្រឹក្សាស្រុកសូទ្រនិគម អាណត្តិទី៣ ដោយមានការអញ្ជើញចូករួមពីឯកឧត្តមសមាជិក ក្រុមប្រឹក្សាខេត្ត នាយករងរដ្ឋបាលខេត្ត លោកប្រធានការិយាល័យសាលាខេត្ត ក្រុមប្រឹក្សាស្រុក គណៈអភិបាលស្រុក លោកមេឃុំ ស្មៀនឃុំ មេប៉ុស្តិ៍លោក លោកស្រី ប្រធាន អនុប្រធាន ការិយាល័យអង្គភាព នានាជុំវិញស្រុក មន្រ្តីរាជការសាលាស្រុកសូទ្រនិគម តំណាងអង្គការក្នុងស្រុក សរុប ១២៥នាក់ នៅសាលប្រជុំរដ្ឋបាលស្រុកសូទ្រនិគម។
នៅក្នុងពិធីប្រកាសចូលកាន់មុខតំណែងរបស់ក្រុមប្រឹក្សាស្រុក លោក មក់ ប្រុស អភិបាល នៃគណៈអភិបាលស្រុកសូទ្រនិគម បានធ្វើសេចក្តីរាយការណ៍លទ្ធផលការងារសំខាន់ៗ ដែលសម្រេចបានរយៈពេលកន្លងមក ក្នុងអាណត្តិទី២ របស់ក្រុមប្រឹក្សាស្រុករយៈពេល ៥ឆ្នាំកន្លងមក។
តាមការអានអនុក្រឹត្យរបស់ឯលោក សុខ សំអាត ប្រធានការិយាល័យបុគ្គលិក នៃទីចាត់ការគ្រប់គ្រងធនធានមនុស្ស សាលាខេត្តស្តីពីការទទួលស្គាល់ សមាជិកក្រុមប្រឹក្សាស្រុក អាណត្តិទី៣ ដែលមាន២១អសនៈ រួមមានមកពីគណបក្សប្រជាជនកម្ពុជា ១៨អាសនៈ គណបក្សហ៊្វុនស៊ិនប៉ិច ២អាសនៈ និង គណបក្សរួបរួមជាតិ ១អាសនៈ។ក្នុងនោះលោកស្រី ងិន មុំ ត្រូវបានប្រកាសជាប្រធានក្រុមប្រឹក្សាស្រុក អាណត្តិទី៣ រួមនឹងលោក លោកស្រី ចំនួន ២០រូបទៀត ជាសមាជិកក្រុមប្រឹក្សាស្រុក។
បន្ទាប់ពីគណៈអធិបតីធ្វើការប្រគល់នូវអនុក្រឹត្យ ទទួលស្គាល់សមាជិកក្រុមប្រឹក្សាស្រុក អាណត្តិទី៣ លោកស្រី ងិន មុំ ប្រធានក្រុមប្រឹក្សាស្រុក បានធ្វើចំណាប់អារម្មណ៍និងប្តេជ្ញាចិត្ត ក្នុងការអនុវត្តនូវតួនាទីភារកិច្ចឪ្យបានតាមកាព្វកិច្ចផ្លូវច្បាប់។
មានប្រសាស៍ក្នុងពិធីនេះផងដែរ លោកស្រី យូ សុភា អភិបាលរងខេត្តបានថ្លែងអំណរគុណ ដល់ថ្នាក់ដឹកនាំស្រុកដែលត្រូវបានតំណាងប្រជាពលរដ្ឋ ជាសមាជិកក្រុមប្រឹក្សាឃុំ បានផ្តល់នូវសេចក្តីទុកចិត្តបោះឆ្នោតជ្រើសរើស ជាក្រុមប្រឹក្សាស្រុកអាណត្តិទី៣ ដើមី្បបន្តដឹកនាំខេត្ត និង បន្តអភិវឌ្ឍន៍ឲ្យមានការីកចម្រើនលើគ្រប់វិស័យបន្ថែមទៀត ។
លោកស្រី ក៏បានផ្តាំផ្ញើដល់ក្រុមប្រឹក្សាស្រុកទាំងអស់ត្រូវបន្តអនុវត្តលើការងារដែលនៅសេសសល់ពីអាណត្តិទី២ និងអនុវត្តការងារបន្ថែមក្នុងអាណត្តទី៣នេះជាបន្តទៀត ដើម្បីអោយស្រុកមានការអភិវិឌ្ឍបន្ថែមទៀត៕