ផ្លូវលំមួយខ្សែ ដែលមានប្រវែង៦ពាន់ម៉ែត្រ ត្រូវបានកងវិស្វកម្ម សម្តេចតេជោចុះស្ថាបនា និងជួសជុលឡើងវិញ
ខេត្តបន្ទាយមានជ័យ:ផ្លូវលំមួយខ្សែដែលមានប្រវែងជាង០៦ពាន់ម៉ែត្រ ដែលតភ្ជាប់ពីផ្លូវជាតិលេខ៥៨ទល់គ្នា និងភូមិទួលប្រាសាទ សង្កាត់និងក្រុងប៉ោយប៉ែត ខេត្តបន្ទាយមានជ័យ ត្រូវបានធ្វើការជួសជុលឡើងវិញ និងស្ថាបនាចាក់ថ្មមិចថ្មី ដោយក្រុមហ៊ុនវិស្វកម្មសម្ដេច តេជោ ដឹកនាំធ្វើដោយ លោក សូ ចាន់ណារី បញ្ជាការកងនគរបាលការពារព្រំដែនគោកលេខ៩១១ និងជាអនុប្រធានកងវិស្វកម្មសម្តេចតេជោ។
ក្រោយពីមានការចុះផ្សាយរបស់សារព័ត៌មានក្នុងស្រុកមួយចំនួនថាលោក សូរចាន់ណារី បានយករថយន្តកងវិស្វកម្ម របស់សម្ដេចតេជោមកដីលក់យ៉ាងអនាធិបតេយ្យ ពេញក្រុងប៉ោយប៉ែត នៅថ្ងៃ៣១ ខែឧសភា ឆ្នាំ២០១៩ នេះមានរថយន្តដឹកដីរបស់កងវិស្វកម្ម និងគ្រឿងចក្រមួយចំនួនត្រូវបានដឹកដីមកត្រៀម និងដើម្បីធ្វើការជួសជុលនូវផ្លូវមួយខ្សែដែលមានប្រវែងជាង០៦ពាន់ម៉ែត្រដែលតភ្ជាប់ពីផ្លូវជាតិលេខ៥៨មកទល់និងភូមិទួលប្រាសាទដែល មានការចូលរួមដោយលោកអភិបាលក្រុង និងចៅសង្កាត់ផ្សារកណ្ដាលនិងមន្ត្រីសាលាក្រុងជាច្រើននាក់។
ក្នុងថ្ងៃនោះដែរលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ក៏បានស្វាគម និង អណរគុណដល់កងវិស្វកម្មសម្ដេចតេជោដែលដឹកនាំដោយ លោក សូរ ចាន់ណារី ត្រៀមជួសជុល នៅផ្លូវមួយខ្សែនេះ។
លោកអភិបាលក្រុងបានមានប្រសាសន៍ដែរថាប៉ោយប៉ែត នៅណាដែលមានផ្លូវលំបាកក្នុងការធ្វើដំណើររបស់ប្រជាពលរដ្ឋ យើងតែងតែឃើញកងវិស្វកម្មសម្ដេចតេជោចុះជួយ ជួសជុលឡើងវិញ ដើម្បីអោយប្រជាពលរដ្ឋធ្វើដំណើរ ទៅមកបកបមុខរបរអាជីវកម្មស្រួល ផ្លូវមួយខ្សែនេះជាសរសៃឈាមរបស់ក្រុងប៉ោយប៉ែត ផ្លូវមួយខ្សែនេះត្រូវ ប្រើប្រាស់បានជាច្រើនភូមិក្នុងក្រុង។
ក្នុងថ្ងៃដែរ នោះដែរលោកបញ្ជាការកងនគរបាលការពារព្រំដែនគោកលេខ៩១១ សូ ចាន់ណារី ក៏បានប្រាប់ក្រុមអ្នកសារព័ត៍មានថាដោយមើលឃើញ ប្រជាពលរដ្ឋនៅក្នុងក្រុងប៉ោយប៉តជាច្រើនភូមិ លំបាកក្នុងការធ្វើដំណើរទៅមកប្របករបររកស៊ី លើផ្លូវមួូយខ្សែនេះ និងដោយមានការចង្អុលបង្ហាញពីនាយឧត្តមសេនីយ៍ ខេង សុមេធ អគ្គស្នងការនគរបាលជាតិទើបលោកបញ្ជា លោក ចែម លក្ខិណា ជាអ្នកចុះបញ្ជានិង អនុវត្តន៍ផ្ទាល់។
លោកចែម លក្ខិណា ក៏បានប្រាប់អ្នកយកព័ត៌មានយើងថា គ្រឿងចក្រដែលយកមកធ្វើការជួសជុលផ្លូវនៅក្នុងក្រុងប៉ោយប៉ែតមានចំនួន១០គ្រឿង ទាំងគ្រឿងចក្រគ្រឿងចក្រឈូស គ្រឿងចក្រប្រថាប់ និងគ្រឿងចក្រកាបុល រួមទាំងរថយន្តសម្រាប់ដឹកដី មួយរយះកន្លងក្រុមរបស់លោក តែងជួយធ្វើការជួសជុលផ្លូវក្នុងក្រុងប៉ោយប៉ែតបានជាច្រើនខ្សែរួចមកហើយ នឹងទៅមុខត្រូវមានការជួយជួសជុលជាច្រើនខ្សែបន្តទៀត៕
