ស្នងការនគរបាល ខេត្តកំពង់ចាម បើកកិច្ចប្រជុំ ត្រៀមកម្មវិធីការងារ ធ្វើសវនកម្មផ្ទៃក្នុង សម្រាប់កាលបរិច្ឆេទ២០១៨
ខេត្តកំពង់ចាម៖លោកឧត្តមសេនីយ៍ទោ ឯម កុសល ស្នងការនគរបាលខេត្ត បានដឹកនាំបើកកិច្ចប្រជុំត្រៀមកម្មវិធីការងារធ្វើសវនកម្មផ្ទៃក្នុង សម្រាប់កាលបរិច្ឆេទ២០១៨ នាព្រឹក ថ្ងៃទី១៤ ខែមិថុនា ឆ្នាំ២០១៩ នៅសាលប្រជុំតូចជាន់លើ នៃស្នងការដ្ឋាននគរបាលខេត្តកំពង់ចាម ដោយមានការអញ្ជើញចូលរួមពី លោក-លោកស្រី ស្នងការរង លោកអនុប្រធានផែន លោក-លោកស្រី នាយការិយាល័យជំនាញ លោកអធិការនគរបាលស្រុក-ក្រុងទាំង១០ សរុបចំនួន៦៣នាក់។
បន្ទាប់មកលោកឧត្តមសេនីយ៍ស្នងការ បានណែនាំដល់លោក លោកស្រីនាយការិយាល័យ លោកអធិការនគរបាលស្រុក -ក្រុងទាំង១០ត្រៀមឯកសារ សម្រាប់ក្រុមការងារធ្វើសវនកម្មផ្ទៃក្នុង ត្រួតពិនិត្យនៅចន្លោះថ្ងៃទី១៧ -២៥ ខែមិថុនា ឆ្នាំ២០១៩ នៅទូទាំងខេត្តកំពង់ចាម និងត្រូវមានកិច្ចសហការល្អជាមួយក្រុមការងារសវនកម្មផ្ទៃក្នុង ដើម្បីទទួលបានស្នាដៃល្អ ដែលបានអនុវត្តការងាររយៈពេលមួយឆ្នាំពេញកន្លងមក និងត្រៀមចូលរួមក្នុងកម្មវិធីប្រារព្ធទិវាអតីតយុទ្ធជនកម្ពុជា ខួបលើកទី១២(ស .អ .ក) នៅវេលាម៉ោង៧:០០នាទីព្រឹក ត្រូវនឹងថ្ងៃទី១៨ ខែមិថុនា ឆ្នាំ២០១៩ នៅសាលមហោស្រពកោះពេជ្រ៕