ទណ្ឌិតនៅក្នុងមណ្ឌលកែប្រែទី៤ម្នាក់ បានស្លាប់បាត់បង់ជីវិត នៅក្នុងបន្ទីពេទ្យ បន្ទាប់ពីចងក ធ្វើអត្តឃាតនៅមន្ទីរឃុំឃាំង
ខេត្តពោធិ៍សាត់៖ទណ្ឌិតនៅក្នុងមណ្ឌលកែប្រែទី៤(ហៅកាត់ម៤) ស្ថិតក្នុងនៅភូមិព្រហ្បស្តិ៍ក្បាល ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ម្នាក់ បានស្លាប់បាត់បង់ជីវិតនៅក្នុងមន្ទីរពេទ្យបង្អែកពោធិ៍សាត់ កាលពីថ្ងៃទី១២ ខែមិថុនា ឆ្នាំ២០១៩ បន្ទាប់ពីចងកធ្វើអត្តឃាតខ្លួនឯងនៅក្នុងមណ្ឌលកែប្រែ។នេះបើយោងតាមការឲ្យដឹងពីផេកនាយកដ្ឋានផ្សព្វផ្សាយអប់រំ។
យោងតាមប្រពភព័ត៌មានពីមន្ត្រីនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តពោធិ៍សាត់ ម្នាក់បានបញ្ជាក់ឲ្យដឹងថា ទណ្ឌិតឈ្មោះ ប៊ុន សុធី ភេទប្រុស អាយុ៣៣ឆ្នាំ ជាប់ទោសពីបទ មនុស្សឃាតគិតទុកជាមុន មានបទល្មើសព្រហ្មទណ្ឌឲ្យផ្តន្ទាទោសតាមបញ្ញាតិមាត្រា ៣នៃច្បាប់ ស្តីពីស្ថានទម្ងន់ទោសនៃបទឧក្រិដ្ឋ ហើយត្រូវបានតុលាការកំណត់ឲ្យជាប់ពន្ធនាគារ១៥ឆ្នាំ គិតចាប់ពីថ្ងៃឃុំខ្លួននៃថ្ងៃទី២៥ ខែតុលា ឆ្នាំ២០០៨ ។
ប្រភពដដែលបញ្ជាក់ថា នៅថ្ងៃកើតហេតុទណ្ឌិតរងគ្រោះ បានយកក្រមាចងក និងចម្រឹងបង្អួចក្នុងមណ្ឌលអប់រំកែប្រែ នៃអគារB បន្ទប់B1 ខណៈនោះអនុរក្សពន្ធធនាគាគាត់ដើរពិនិត្យអគារ ស្រាប់តែប្រទះឃើញចងក និងក្រមា នៅវេលាម៉ោង២១និង១៥នាទី ថ្ងៃទី១០ ខែមិថុនា ឆ្នាំ២០១៩ ហើយក៏ភ្ញាក់ផ្អើលទៅជួយដឹកយកមកសង្គ្រោះនៅមន្ទីរពេទ្យបង្អែកពោធិ៍សាត់ បានរយៈពេល ២ថ្ងៃ ជាអកុសល្យអាក្រក់ទណ្ឌិតរូបនេះក៏ស្លាប់បាត់បង់ជិវិតនៅក្នុងមន្ទីរពេទ្យពោធិ៍សាត់តែម្តង។
ប្រភពដដែលបញ្ជាក់ទៀតថា ដោយមានការសម្របសម្រួល ពីគណៈកម្មការមួយក្រុមពិនិត្យ នៅកន្លែងកើតហេតុសាកសពទណ្ឌិតរងគ្រោះ បានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕
