ព្រោះតែរឿងប្រចណ្ឌ បានធ្វើឲ្យបុរសជាប្ដីកាប់ប្រពន្ធ រងរបួសធ្ងន់ធ្ង ប្ដីស្មានតែប្រពន្ធស្លាប់ក៏យកកាំបិទមកអារក សម្លាប់ខ្លួនឯង
ខេត្តបាត់ដំបង៖នាវេលាម៉ោង១៧និង៤០នាទីល្ងាច ថ្ងៃទី១៣ ខែមិថុនា ឆ្នាំ២០១៩ មានករណីដែលគួរឲ្យភ្ញាក់ផ្អើលមួយបានកើតឡើងដោយប្ដីចិត្តព្រៃផ្សៃបានប្រើអំពើហឹង្សាកាប់ទៅលើប្រពន្ធខ្លួនឯងបណ្ដាលឱ្យរងរបួសយ៉ាងធ្ងន់ធ្ង រួចក៏យកកាំបិទមកអារក សម្លាប់ខ្លួនឯង នៅចំណុចផ្ទះលេខ១៦៩ ក្រុម១៣ ស្ថិតនៅក្នុងភូមិដំណាក់ហ្លួង សង្កាត់វត្តគ ក្រុងបាត់ដំបង ខេត្តបាត់ដំបង។
ជនសង្ស័យដែលជាប្តីមានឈ្មោះ រ៉ាត់ ចិត្រា ភេទប្រុស អាយុ២៨ឆ្នាំ មានទីលំនៅក្នុងភូមិកើតហេតុខាងលើ បានប្រើហឹង្សាកាប់ទៅលើប្រពន្ធឈ្មោះ សុខ លីន អាយុ២៧ឆ្នាំ បណ្ដាលឲ្យរងរបួសធ្ងន់ធ្ងរហើយត្រូវបានក្រុមគ្រួសារបញ្ជូនសង្គ្រោះបន្ទាន់នៅមន្ទីពេទ្យយោធាភូមិភាគ៥(ពពីរ)ក្នុងខណ:ពេលនោះប្ដីស្មានថា ប្រពន្ធស្លាប់ក៏រត់ទៅផ្ទះអ្នកជិតខាងរួចអាករ សម្លាប់ខ្លួនឯងតែម្ដងទៅ។
បើតាមការបំភ្លឺរបស់បងប្រុសឈ្មោះ គង់ សុធារិន ភេទប្រុស អាយុ៤៧ឆ្នាំបានបញ្ជាក់ថា នៅល្ងាចថ្ងៃទី១៣ ខែមិថុនា ឆ្នាំ២០១៩ វេលាម៉ោង១៧និង២០នាទីពេលខ្លួនអង្គុយផឹកស្រាបៀរនៅមុខផ្ទះជាមួយបងប្អូនស្រាប់តែឈ្មោះរ៉ាត់ ចិត្រា ភេទប្រុស បានដើរមកផ្ទះរបស់ខ្លួនហើយបានខ្ចីកាំបិទខ្លួនសួរថា យកកាំបិទធ្វើអី វាប្រាប់ថា ខ្ចីធ្វើទូរស័ព្ទ វាក៏ដើរមកជិតកាំជណ្ដើរផ្ទះរួចស្រាប់តែអាករ ខ្លួនឯងម្ដងទៅ។
មូលហេតុមកពីជនសង្ស័យប្រចណ្ឌនឹងប្រពន្ធទើបឈានទៅដល់ប្រើហឹង្សាកាប់ទៅប្រពន្ធបណ្ដាលឱ្យរងរបួសធ្ងន់ធ្ងរ។
ក្រោយពេលកើតហេតុកម្លាំងជំនាញមកដល់កន្លែងកើតហេតុពិនិត្យមើលជនសង្ស័យរកឃើញថា ជនសង្ស័យពិតជាអាករ សម្លាប់ខ្លួនឯងពិតប្រាកដមែន ចំណែកសាសពសមត្ថកិច្ចបានប្រគល់ជូនទៅអោយក្រុមគ្រួសារយកទៅធ្វើបុណ្យតាមប្រពៃណី៕