ពិធីប្រកាសចូលកាន់មុខតំណែង ប្រធានក្រុមប្រឹក្សាខេត្ត និងសមាជិកសមាជិកាក្រុមប្រឹក្សា ខេត្តបន្ទាយមានជ័យ អាណត្ដិទី៣
ខេត្តបន្ទាយមានជ័យ:នាព្រឹកថ្ងៃទី១២ ខែមិថុនា ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ បានធ្វើពិធីប្រកាសចូលកាន់មុខតំណែងប្រធានក្រុមប្រឹក្សាខេត្តនិងសមាជិកសមាជិកាក្រុមប្រឹក្សាខេត្តបន្ទាយមានជ័យ អាណត្ដិទី៣ ក្រោមអធិបតីភាពឯកឧត្តម ឧបនាយករដ្ឋមន្រ្តី កែ គឹមយ៉ា សមាជិកសភាមណ្ឌលខេត្តបន្ទាយមានជ័យ និងជាប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ,មន្ត្រីជាន់ខ្ពស់ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ។
ក្នុងនោះក៏មានការអញ្ជើញចូលរួមពីអង្គភាពអាវុធហត្ថខេត្ត ,ស្នងការនគរបាលខេត្ត យោធា រដ្ឋបាលខេត្ត និងអ្នកមុខអ្នកការជាច្រើនរយនាក់បានចូលរួម។
ក្នុងនោះលោក ឈឹមកាន អគ្គនាយករងនៃអគ្គនាយកដ្ឋានរដ្ឋបាល
ក្រសួងមហាផ្ទៃបានឡើងអានសេចក្តីប្រកាសព្រះរាជក្រឹត្យលេខ នស /រកត /០៦១៩/៧៤៥ ស្តីពីកំណត់ការទទួលស្គាល់សមាសភាពសមាជិកក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក អាណត្តិទី៣សម្រេចរបស់គណកម្មាជាតិរៀបចំការបោះឆ្នោតលេខ ៣៧៧ គ ជ ប ស ស រ ចុះថ្ងៃទី៥ ខែមិថុនា ឆ្នាំ២០១៩សម្រេចឲ្យ លោក ខេង ស៊ុំ ទៅជាប្រធានក្រុមប្រឹក្សាខេត្តជំនួស ឯកឧត្តម អ៊ុង អឿន និងសមាជិកសមាជិកាក្រុមប្រឹក្សាខេត្តបន្ទាយមានជ័យអាណត្ដិទី៣ ចំនួន២៤នាក់ទៀត។
លោក ខេង ស៊ុំ បានឡើងធ្វើសេចក្តីប្តេជ្ញាចិត្តថានិងខិតខំគោរពច្បាប់រដ្ឋធម្មនុញ្ញនៃព្រះរាជាណាចក្រកម្ពុជានិងចូលរួមថែរក្សាការពារអធិបតេយ្យបូរណភាពទឹកដី អនុវត្តច្បាប់ស្តីពីការគ្រប់គ្រងរដ្ឋបាលខេត្តនិងខិតខំបំពេញភារកិច្ចដោយអនុលោមតាមគោលការណ៍លិខិតបទដ្ឋានពាក់ព័ន្ធរបស់រដ្ឋាភិបាលឲ្យមានប្រសិទ្ធភាពខ្ពស់និងខិងខំពង្រឹងសាមគ្គីភាពផ្ទៃក្នុងឲ្យបានល្អប្រសើរ។
ក្នុងនោះឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានឡើងអានរបាយការណ៍សពីសមិទ្ធិផលនៃការរីកចំរើនហេដ្ឋារចនាសព័ន្ធយ៉ាងច្រើនរបស់រដ្ឋបាលខេត្តបន្ទាយមានជ័យដឹកនាំជាច្រើនឆ្នាំកន្លងមកនេះ។
ឯកឧត្តម អ៊ុំ រាត្រី បានបញ្ជាក់ឲ្យដឹងទៀតថាការបោះឆ្នោតជ្រើសរើសសមាជិកក្រុមប្រឹក្សខេត្ត និងស្រុក ក្រុង នៅ ខេត្តបន្ទាយមានជ័យនេះមានមណ្ឌលបោះឆ្នោតចំនួន៩មណ្ឌលគឺក្នុងស្រុក ក្រុងទាំង៩ នៃខេត្តបន្ទាយមានជ័យក្នុងនោះមានអង្គបោះឆ្នោត៥១៥នាក់ មកពីសមាជិកក្រុមប្រឹក្សាឃុំសង្កាត់ទាំង៦៥ នៃខេត្តបន្ទាយមានជ័យមានគណបក្សនយោបាយដែលចូលរួមប្រកួតប្រជែងយកអាសនៈសមាជិកក្រុមប្រឹក្សាខេត្តនិងស្រុក ក្រុង ក្នុងខេត្តបន្ទាយមាន័យមាន៥គណបក្សរួមមាន១គណបក្សប្រជាជនកម្ពុជា,២គណបក្សហ៊្វុនស៊ិុនប៉ិុច,៣គណបក្សខ្មែររួបរួមជាតិ ,៤គណបក្សឆន្ទៈខ្មែរ និង ៥គណបក្សសញ្ជាតិកម្ពុជា។
ដំណើរការបោះឆ្នោតនេះ បានប្រព្រឹត្តទៅ ក្នុងបរិយាកាសមួយល្អគ្មានការរំខានពីក្រុមណាមួយនោះឡើយហើយអង្គបោះឆ្នោត ក៏បានចូលរួមបោះឆ្នោតយ៉ាងសស្រាក់សស្រាំផងដែរ។
ការបោះឆ្នោតបានរលូនល្អយ៉ាងដូច្នេះមកពីកម្លាំងមូលដ្ឋានធ្វើការទប់ស្កាត់ និងបង្រ្កាប បើកើតមាននូវហេតុការណ៍ ណាមួយបង្កដោយក្រុមណាមួយដែលមានគំនិតប៉ុនប៉ងរារាំងមិនចង់ឱ្យដំណើរការបោះឆ្នោតបាននោះ។
ក្នុងនោះអាជ្ញាធរដែនដី សមត្ថកិច្ចគ្រប់ថ្នាក់ កងកម្លាំងប្រដាប់អាវុធ យោធា នគរបាល កងរាជអាវុធហត្ថ ប្រជាពលរដ្ឋបានរិតចំណងស្មារតីសាមគ្គីភាព ឯកភាពផ្ទៃក្នុងចូលរួមថែរក្សាបាននូវ សណ្តាប់ធ្នាប់សង្គមទប់ស្កាត់បាននូវការប៉ុនប៉ងធ្វេីបដិវត្តពណ៌ផ្តួលរំលំរដ្ឋាភិបាលស្របច្បាប់ដឹកនាំសម្តេចតេជោ ហ៊ុន សែន ពីសំណាក់ពួកអគតិ អមិត្តណាមួយផងដែរ។
ក្នុងនោះឯកឧត្តម ឧបនាយករដ្ឋមន្រ្តី កែ គគឹមយ៉ាន សមាជិកសភាមណ្ឌលខេត្តបន្ទាយមានជ័យបានថ្លែងអំណរគុណនិងដឹងគុណដល់សមាជិក សមាជិកាទាំងអស់នៃមហាគ្រូសារអ្នកបន្ទាយមានជ័យដែលបានបោះឆ្នោតគាំទ្រគណបក្សប្រជាជនកម្ពុជាដែលដឹកនាំដោយសម្តេចតេជោហ៊ុន សែន គ្រប់ៗអាណត្តិកន្លងមកព្រោះសំអាងថាសម្តេចតេជោ ហ៊ុន សែន មានស្នាដៃជាច្រើនក្នុងការកសាងជាតិរយះពេលជាង៣០ឆ្នាំកន្លងមកជំរុញការអភិវឌ្ឍឥតឈប់ឈរលើគ្រប់វិស័យ ជាពិសេសបានធ្វើឲ្យជីវភាពរស់នៅ របស់ប្រជាពលរដ្ឋកាន់តែមានការផ្លាស់ប្តូររីកចម្រើនធូរធារជាលំដាប់ផងដែរ៕
