បើកបងខ្វះការប្រុងប្រយ័ត្ន ខណៈផ្លូវកោងបើកក្នុងល្បឿនលឿន រេចង្កូតធ្លាក់ផ្លូវ ចូលក្នុងទឹកស្រះ បណ្ដាលឲ្យស្លាប់តៃកុងម្នាក់
ខេត្តបន្ទាយមានជ័យ៖តៃកុងរថយន្តម្នាក់បានស្លាប់បាត់បង់ជីវិត ខណៈបើករថយន្តក្នុងល្បឿនលឿន មកដល់ចំណុចផ្លូវកោងរេចង្កូតធ្លាក់ផ្លូវចូលក្នុងទឹកស្រះ បណ្ដាលឲ្យស្លាប់ភ្លាមៗនៅនឹងកន្លែងកើតហេតុ។
ករណីគ្រោះថ្នាក់ចរាចណ៍នេះ បានកើតឡើងកាលពីវេលាម៉ោង០៤ល្ងាច ថ្ងៃទី២៦ ខែឧសភា ឆ្នាំ២០១៩ មុខវត្តប្រាសាទសំរោង ស្ថិតនៅភូមិតេជោ ឃុំស្វាយចេក ស្រុកស្វាយចេក ខេត្តបន្ទាយមានជ័យ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តជនរងគ្រោះបើកបរក្នុងល្បឿនលឿនដូចហោះ លុះដល់ផ្លូវកោងយកចង្កូតមិនបានហោះទៅធ្លាក់មាត់ស្រះជិតចិញ្ចើមផ្លូវបណ្តាលឲ្យអ្នកបើកស្លាប់នៅក្នុងរថយន្ត។
បើតាមប្រជាការពារភូមិតេយោភ្នំឆ័ត្រ បានឲ្យដឹងថា អ្នកបើករថយន្តដែលស្លាប់បាត់បង់ជីវិតនោះមានឈ្មោះ សោម សុភី អាយុ៥០ឆ្នាំ ជាយោធាមានឋាន:ជាអនុសេនីយ៍ឯក នាយរងការិយាល័យប្រតិបត្តិការសឹកសេនាធិការដ្ឋានអន្តរាគមន៍ រស់ម្តុំផ្សារថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ប្រជាការពារភូមិតេយោភ្នំឆ័ត្របានបញ្ជាក់ឲ្យដឹងទៀតថា នៅមុនពេលកើតហេតុនោះគេបានឃើញរថយន្តកាមរីឆ្លាម ពណ៍ស ពាក់ស្លាកលេខ សៀមរាប 2A 7316 បើកពីលិចមកកើតក្នុងល្បឿនលើនបើកដូចហោះលុះបើកមកដល់ចំណុចកើតហេតុដោយសារមិនស្គាល់ភូមិសាស្ត្រថា នៅខាងមុខមានផ្លូវកោងយកចង្កូតមិនទាន់ក៏ហោះទៅធ្លាប់នៅស្នាមភ្លោះមាត់ផ្លូវជិតស្រះទឹកឡើងរួញបណ្តាលឲ្យអ្នកបើកស្លាប់នៅក្នុងរថយន្តតែម្តង។
ក្រោយពីកើតហេតុហើយមានប្រជាពលរដ្ឋមកជួយយកសពចេញពីរថយន្តហើយបានទូរស័ព្ទហៅប្រពន្ធមកយកសព យកទៅតំគល់ទុកនៅវត្តស្វាយចាស់ ដើម្បីរៀបចាត់ចែងធ្វើបុណ្យតាមប្រពៃណី។
ចំណែករថយន្តសមត្ថកិច្ចអូសយកមករក្សាទុកនៅអធិការ ដើម្បីដោះស្រាយនៅពេលក្រោយ៕
