ឃាត់ខ្លួនជនសង្ស័យចំនួន០២នាក់ ពាក់ព័ន្ឋករណីគ្រឿងញៀន
ខេត្តកំពង់ចាម៖ជនសង្ស័យចំនួន០២នាក់ ដែលជាប់ពាក់ព័ន្ឋទៅនឹងករណីគ្រឿងញៀន ត្រូវបានកម្លាំង ជំនាញស្រុកស្រីសន្ធរធ្វើការស្រាវជ្រាវរហូតឈាន់ដល់ការចាប់ឃាត់ខ្លួន។
ការចាប់ឃាត់ខ្លួននេះបានធ្វើឡើងកាលថ្ងៃច័ន្ទ ០៩រោច ខែពិសាខឆ្នាំកុរ ឯកសក ព ស ២៥៦៣ ត្រូវនិងថ្ងៃ២៧ ខែឧសភា ឆ្នាំ២០១៩ វេលាម៉ោង១៦ នៅចំណុចភូមិចុងបឹងក្នុង ឃុំព្រែកដំបូក ស្រុកស្រីសន្ធរ ខេត្តកំពង់ចាម។
សមត្ថកិច្ចបានឲ្យដឹងថា៖មុននឹងឈានងល់ការបង្ក្រាបនេះ ជំនាញស្រុកស្រីសន្ធរ បានធ្វើការស្រាវជ្រាវ រហូតឈានដល់ការបើកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន ដោយប្រើវិធានញុះញង់។
សមត្ថកិច្ចបន្តថា៖ជនសង្ស័យដែលត្រូវចាប់ឃាត់ខ្លួនចំនួន០២នាក់នោះ
១-ឈ្មោះវ៉ា ស៊ីណា ភេទប្រុស អាយុ២១ឆ្នាំ ជាតិខ្មែរ នៅភូមិតាម៉ឺន ឃុំព្រែកដំបូក ស្រុកស្រីសន្ធរ ខេត្តកំពង់ចាម។
២-ឈ្មោះលីម ឆេងហ៊ាង ភេទប្រុស អាយុ១៩ឆ្នាំ ជាតិខ្មែរ នៅភូមិស្វាយម៉ូ ឃុំព្រែកដំបូក ស្រុកស្រីសន្ធរ ខេត្តកំពង់ចាម។
ក្រោយពីបង្ក្រាបកម្លាំងរឹបអូសបាននូវវត្ថុតាងរួមមាន៖ម្សៅក្រាមពណ៌សសង្ស័យថ្នាំញៀន ចំនួន០១កញ្ចប់តូច,ម៉ូតូ០១គ្រឿងម៉ាកស៊ុយសាកីលីត ស្លាកលេខ PP1CK1257 ,ទូរស័ព្ទអាយហ្វូនហ្វាយ ០១គ្រឿង និងប្រាក់ញុះញង់ចំនួន២០.០០០រៀល និង១០$។
បច្ចុប្បន្នជនសង្ស័យរួមនឹងវត្ថុតាងខាងលើសមត្ថកិច្ចកំពុងធ្វើការសាកសួរ និងកសាងសុំណុំរឿងដើម្បីចាត់ការបន្តតាមនិតិវិធី៕
