កងរាជអាវុធហត្ថ ស្រុកភ្នំស្រួច បង្ក្រាគោយន្តកន្ត្រៃ និងរថយន្តដឹកឈើក្រហម គ្មានច្បាប់អនុញ្ញាត ប្រគល់ជូនផ្នែករដ្ធបាលព្រៃឈើ
ខេត្តកំពង់ស្ពឺ៖គោយន្តកន្ត្រៃ និងរថយន្តដឹកឈើក្រហម គ្មានច្បាប់អនុញ្ញាត ត្រូវបានកម្លាំងកងរាជអាវុធហត្ថមូលដ្ឋានស្រុកភ្នំស្រួច ដឹកនាំដោយលោកវរសេនីយ៍ត្រី យស ឌីណា មេបញ្ជាការ បង្ក្រាបបានកាលពីថ្ងៃទី០៦ ខែធ្នូ ឆ្នាំ២០១៩ ខណ:ដែលកំពុងល្បាតនៅតាមដងផ្លូវ នៅចំណុចភូមិកណ្តាល ឃុំតាំងសំរោង ស្រុកភ្នំស្រួច។
សមត្ថកិច្ចបានឲ្យដឹងថា រថយន្តដែលបង្ក្រាបបាននោះ ប្រភេទ Kia ពណ៌ខៀវ ពាក់ស្លាកលេខ ភ្នំពេញ 2P 8419 ដឹកឈើ (ប្រភេទគ្រឿង)ចំនួន៣,៤២០ម៉ែត្រគីប និងគោយន្តកន្ត្រៃ ដឹកសរសរជ្រុងចំនួន១២ដើម ស្មើ០៩,៦០ម៉ែត្រគីប សរុបទាំងអស់ចំនួន ៤,៣៨០ ម៉ែត្រគីប។
ក្រោយពីបង្ក្រាប កម្លាំងកងរាជអាវុធហត្ថ បានប្រគល់វត្ថុតាងទាំងអស់ប្រគល់ជូនផ្នែករដ្ធបាលព្រៃឈើបរសេដ្ឋ ដើម្បីត្រួតពិនិត្យ និងយកទៅរក្សាទុក តាមច្បាប់រដ្ឋបាលព្រៃឈើ៕