អាស្គុតរបស់យោធាភូមិភាគ១គ្រឿង បើកបុកបង្កាន់ដៃស្ពានមេគង្គ បណ្តាលឲ្យបាក់អស់មួយប្រឡោះ សំណាងល្អមិនធ្លាក់ចូលទន្លេ
ខេត្តស្ទឹងត្រែង៖បង្កាន់ដៃស្ពានមេគង្គផ្នែកខាងស្ដាំ រងការខូចខាតបាក់អស់មួយប្រឡោះ ដោយសា
រថយន្តម៉ាកអាស្គុតរបស់យោធាភូមិភាគ១គ្រឿង បើកឆ្លងរេចង្កូតទៅបុក សំណាងល្អមិនធ្លាក់ចូលទន្លេ។
ហេតុការណ៍នេះ បានកើតឡើងកាលពីវេលាម៉ោង១២ថ្ងៃត្រង់ ទី៥ ខែធ្នូ ឆ្នាំ២០១៩ ត្រង់ចំណុចលើស្ពានមេគង្គ ស្ថិតក្នុងភូមិបាចុង សង្កាត់ព្រះបាទ ក្រុង/ខេត្តស្ទឹងត្រែង។
ប្រភពពីកន្លែងកើតហេតុ បានឲ្យដឹងថា រថយន្តម៉ាករអាស្គុតខាងលើ បើកបរដោយមន្ត្រីយោធាភូមិភាគ១ ជិះមនុស្សចំនួន៣នាក់។
ប្រភពដដែលបន្តថា រថយន្តមួយគ្រឿងនេះ ទើបតែធ្វើរួច ហើយក៏កំពុងបើកសាកល្បង ប៉ុន្តែជាងធ្វើមិនទាន់រួចស្រួល ស្រាប់តែចង្កូតមិនស៊ីទើបរេចង្កូតទៅបុកបង្កាន់ដៃស្ពានតែម្ដង។
អ្នកឃើញហេតុការណ៍ បានឲ្យដឹងថា មុនពេលកើតហេតុ គេបានឃើញរថយន្តអាស្គុត១គ្រឿងរបស់ភូមិភាគ១ បើកឆ្លងកាត់ស្ពានមេគង្គពីខាងលិចមកកើត ខណៈពេលដែលកំពុងបើកបរ ស្រាប់តែឃើញរេចង្កូតទៅបុកបង្កាន់ស្ពានផ្នែកខាងឆ្វេង រួចបន្តរេទៅបុកបង្កាន់ដៃស្ពានខាងស្ដាំ បណ្តាលអោយបាក់អស់មួយប្រឡោះ។
បច្ចុប្បន្ន គឺនៅមិនដឹងថា ការខូចខាតបង្កាន់ដៃស្ពានខាងលើនោះ ត្រូវដោះស្រាយយ៉ាងណានោះទេ៕