បង្ក្រាបទីតាំងសង្វៀនជល់មាន់មួយកន្លែង ឃាត់ខ្លួមនុស្សចំនួន៥នាក់ និងរឹបអូសវត្ថុតាងមួយចំនួន
ខេត្តពោធិ៍សាត់៖សង្វៀនជល់មាន់មួយកន្លែង នៅត្រង់ចំណុចអូរដេកា ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ត្រូវបានកម្លាំងនគរបាលស្រុកវាលវែង ចុះឆ្មក់បង្រ្កាបដោយឃាត់ខ្លួនអ្នកមានញៀនល្បែងចំនួន៥នាក់ និងរឹបអូសបានវត្ថុតាងមួយចំនួនកាលពីរសៀលថ្ងៃព្រហស្បតិ៍ ៩កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៥ ខែធ្នូ ឆ្នាំ២០១៩។
បើតាមនគរបាលស្រុកវាលវែងបានឲ្យដឹងថា៖ក្រុមញៀនកីឡាជល់សត្វមាន់ដាក់លុយ ទាំង៥នាក់ដែលត្រូវបានចាប់ឃាត់ខ្លួននោះរួមមាន:
ទី១/ឈ្មោះ ចន ឌឹម ភេទប្រុស អាយុ៦២ឆ្នាំ ម្ចាស់ទីតាំង(សង្វៀន)។
ទី២/ឈ្មោះ ប៊ន ពិសិទ្ធ ភេទប្រុស អាយុ៣១ឆ្នាំ។
ទី៣/ប៊ន ចាន់ណា ភេទប្រុស អាយុ៤៩ឆ្នាំ អ្នកទាំង៣នាក់នេះ រស់នៅចំណុចភូមិ/ឃុំកើតហេតុ។
ទី៤/ឈ្មោះ យឹង ចាន់ថន ភេទប្រុស អាយុ២៨ឆ្នាំ រស់នៅភូមិសំឡាញ ឃុំក្រពើពីរ ស្រុកវាលវែងនិង។
ទី៥/ឈ្មោះ ម៉ក់ អ៊ូច ភេទប្រុស អាយុ៤៨ឆ្នាំ រស់នៅភូមិផ្សារអណ្ដែរ ឃុំអូរតាប៉ោង ស្រុកបាកាន ខេត្តពោធិ៍សាត់។
វត្ថុតាងដែលដកហូតជាក់ស្ដែងរួមមាន៖ម៉ូតូចំនួន១១គ្រឿង,រថយន្ដម៉ាក កាមរី០១គ្រឿង,អាគកចំនួន០៣ក្បាល,ស្បែកជើងចំនួន១២គូរ,កន្រ្តក់ជ័រចំនួន០៣,ជញ្ជីងសម្រាប់ថ្លឹងសត្វមានចំនួន ០១គ្រឿង,ស៊ុំសម្រាប់ក្រុងសត្វមានចំនួន០២។
បច្ចុប្បន្ន ជនសង្ស័យ រួមទាំងវត្ថុតាងតាងទាំងអស់ បាននាំយកទៅអធិការដ្ឋាននគរបាលស្រុកវាលវែង ដើម្បីចាត់ការបន្តតាមនីតិវិធី៕
