ផលិតផលក្លែងក្លាយ និងខូចគុណភាពជាង១០០តោន ត្រូវបានដុតបំផ្លាញចោល
រាជធានីភ្នំពេញ៖នៅព្រឹកថ្ងៃទី០៦ ខែធ្នូ ឆ្នាំ២០១៩ នាយកដ្ឋាននគរបាលប្រឆាំងបទល្មើសសេដ្ឋកិច្ច នៃអគ្គស្នងការដ្ឋាននគរបាលជាតិ ក្រោមវត្តមាន លោកសន្ដិបណ្ឌិត តេង សាវង្ស រដ្ឋលេខាធិការក្រសួងមហាផ្ទៃ តំណាងសម្ដេចក្រឡហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានដុតបំផ្លាញចោល នូវផលិតផលក្លែងក្លាយ និងខូចគុណភាពជាង១០០តោន នៅភូមិប្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ។
លោកឧត្តមសេនីយ៍ ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច បានឲ្យដឹងថា ទំនិញដែលដុតបំផ្លាញនេះ មានចំនួន១២មុខ រួមមាន៖បារីចម្រុះម៉ាក,សសៃថ្នាំជក់, សំបកកញ្ចប់បារីគ្រប់ប្រភេទ,សំបកសុងបារីចម្រុះ,ឧបករណ៍សម្ភារបម្រើឲ្យការផលិតបារី,ផលិតផលគ្រឿងសំអាង,ឧបករណ៍សម្ភារបម្រើឲ្យការផលិតគ្រឿងសំអាង ផលិតផលធូប និងធូបមូសសរុបប្រមាណជាង១០០តោន។
លោកឧត្តមសេនីយ៍ ឯក ចាន់ វ៉ាន់ធឿន បញ្ជាក់ថា កន្លងមកកម្លាំងនាយកដ្ឋានរបស់លោក បានធ្វើការដុតបំផ្លាញចោលនូវវត្ថុក្លែងក្លាយដែលចាប់បានចំនួន៣២លើកមកហើយ៕
