ឃុំសង្កាត់ ក្នុងខេត្តក្រចេះទទួលបានTABLETS សម្រាប់អនុវត្តកម្មវិធីឧបត្ថម្ភសាច់ប្រាក់ ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ ពីរដ្ឋបាលខេត្ត
ខេត្តក្រចេះ៖រដ្ឋបាលខេត្តក្រចេះនាថ្ងៃច័ន្ទ ៥កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣០ ខែធ្នូ ឆ្នាំ២០១៩ បានរៀបចំពិធីប្រគល់ TABLETS ជូនដល់ឃុំសង្កាត់ក្នុងខេត្តក្រចេះ សម្រាប់អនុវត្តកម្មវិធីឧបត្ថម្ភសាច់ប្រាក់ ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ និងការកំណត់អត្តសញ្ញាណកម្មគ្រួសារក្រីក្រ ក្រោមអធីបតីភាព ឯកឧត្តម ទុយ ប៊ុនសេរីរត្នមុនី អភិបាលខេត្តស្តីទី។
ឯកឧត្តម អភិបាលខេត្តស្តីទី មានប្រសាសន៍ថា ដោយផ្អែកតាមក្របខ័ណ្ឌគោលនយោបាយជាតិគាំពារសង្គម ២០១៦-២០២៥ រាជរដ្ឋាភិបាលបានដាក់ឲ្យអនុវត្តកម្មវិធី ឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ ដែលចែកចេញជាពីរដំណាក់កាល ដោយដំណាក់កាលទី១ ជាដំណាក់កាលអន្តរកាល ដែលប្រគល់ភារកិច្ចអនុវត្តកម្មវិធី ទៅឲ្យក្រសួងសុខាភិបាល ដោយប្រើប្រាស់មូលដ្ឋានសុខាភិបាល និងដំណាក់កាលទី២ ផ្ទេរការអនុវត្តកម្មវិធីពីក្រសួងសុខាភិបាល ទៅក្រសួងសង្គមកិច្ចអតីតយុទ្ធជន និងយុវនីតិសម្បទា ដើម្បីគ្រប់គ្រង និងអនុវត្តការឧបត្ថម្ភសាច់ប្រាក់ជូនស្ត្រីមានផ្ទៃពោះនិងកុមារអាយុក្រោម២ឆ្នាំ ចាប់ពីខែមករា ឆ្នាំ ២០២០ តទៅ
ការកសាងសមត្ថភាពមន្ត្រីអនុវត្តកម្មវិធី ជាពិសេសមន្ត្រីរដ្ឋបាលឃុំសង្កាត់ និងមូលដ្ឋានសុខាភិបាលសាធារណៈជាកិច្ចការមួយយ៉ាងបន្ទាន់ នឹងមិនអាចខ្វះបានក្នុងការកំណត់ភាពជោគជ័យនៃការអនុវត្តកម្មវិធីដើម្បីសម្រេចកិច្ចការនេះទើបក្រសួងសង្គមកិច្ចអតីតយុទ្ធជននិងយុវនីតិសម្បទា បានរៀបចំឲ្យមានវគ្គបណ្តុះបណ្តាលគ្រូបង្គោលថ្នាក់ខេត្ត និងបន្តបណ្ដុះបណ្ដាល ជនបង្គោលថ្នាក់ឃុំសង្កាត់ និងមូលដ្ឋានផ្លូវបាល សាធារណៈនៅទូទាំងប្រទេស ដើម្បីឲ្យមន្ត្រីមានសមត្ថភាពគ្រប់គ្រាន់ ក្នុងការគ្រប់គ្រង និងអនុវត្តកម្មវិធី ឱ្យមានប្រសិទ្ធភាពខ្ពស់ ស្របតាមខ្លឹមសារដូចដែលបានចែងក្នុងសៀវភៅ ប្រតិបត្តិគោលស្ដីពី ឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ ។
ឯកឧត្តមបន្តថា ៖ រាជរដ្ឋាភិបាលកម្ពុជា ដែលមានសម្ដេចតេជោ បានដាក់ចេញនិងអនុវត្តយ៉ាងខ្ជាប់ខ្ជួននូវគោលនយោបាយកំណែទម្រង់លើគ្រប់ផ្នែក គ្រប់វិសយ័ មានដូចចែងក្នុងយុទ្ធសាស្ត្រចតុកោណដើម្បីជំរុញកំណើនការងារសមធម៌ និងប្រសិទ្ធភាព ដែលកូកាទៅវាគឺជាកត្តាគន្លឹះសម្រាប់ការអភិវឌ្ឍ និងការកាត់បន្ថយភាពក្រីក្រការកាត់បន្ថយភាពក្រីក្រ។ដើម្បីធានាប្រសិទ្ធភាព និងពន្លឿនការកាត់បន្ថយភាពក្រីក្រឲ្យកាន់តែលឿនក្រសួង និងស្ថាប័ននានា ជាពិសេសក្រសួងផែនការដែលមានការចង្អុលបង្ហាញពីសំណាក់ប្រមុខរាជរដ្ឋាភិបាល៕