រាជអាវុធហត្ថលើផ្ទៃប្រទេស បើកិច្ចប្រជុំ បូកសរុបការងារជំនាញហិរញ្ញវត្ថុប្រចាំឆ្នាំ២០១៩ ទិសដៅឆ្នាំ២០២០
រាជធានីភ្នំពេញ៖នារសៀលថ្ងៃសុក្រ ទី២៧ ខែធ្នូ ឆ្នាំ២០១៩ លោក ឧត្តមសេនីយ៍ទោ វ៉ា ស៊ិនភីរម្យ នាយរងសេនាធិការ និងជានាយការិយាល័យហិរញ្ញវត្ថុ កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងកិច្ចប្រជុំ បូកសរុបការងារជំនាញហិរញ្ញវត្ថុកងរាជអាវុធហត្ថទូទាំងរាជធានី-ខេត្តប្រចាំឆ្នាំ២០១៩ និងទិសដៅបន្តឆ្នាំ២០២០ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស។
ពិធីនេះមានការចូលរួមពីនាយរងការិយាល័យហិរញ្ញវត្ថុកងរាជអាវុធហត្ថលើផ្ទៃប្រទេស និងនាយការិយាល័យហិរញ្ញវត្ថុ តាមបណ្តារាជធានី-ខេត្ត ព្រមទាំងហិរញ្ញវត្ថុកងវរអន្តរាគមន៍ ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស ជាច្រើនរូបទៀត។
លោកឧត្តមសេនីយ៍ទោ បានធ្វើការបូកសរុបការងារ និងបានដាក់ចេញនូវផែនការបន្តដល់ជំនាញហិរញ្ញវត្ថុទាំងអស់យកទៅអនុវត្តដោយពង្រឹងការបែងចែកឱ្យដល់ដៃនាយ នាយរងកងរាជអាវុធហត្ថ និងហាមដាច់ខាតមិនឱ្យបើកជាកញ្ចប់ មិនអនុញ្ញាតឱ្យកាត់កងប្រាក់បៀវត្ស ទោះបីនៅក្នុងប្រការណាក៏ដោយ ការកត់បញ្ជីស្នាមរក្សាទុកសៀវភៅ ឯកសារឱ្យបានល្អ និងគ្រប់គ្រងឱ្យបានគង់វង្ស ហើយហាមដាច់ខាតមិនឱ្យយកឯកសារការបើកប្រាក់បៀវត្សទៅបង្ហោះតាម Facebook និងតេលេក្រាម សីលធ៌មបូកនឹងវិន័យនៃការនិយាយស្តីជាមួយនាយ និងពលអាវុធហត្ថឱ្យមានជីវធ៌ម និងសេចក្កីថ្លៃថ្នូរនៃកងរាជអាវុធហត្ថ៕
.jpg)
