ឃាត់ខ្លួនជនសង្ស័យម្នាក់ ប៉ុនប៉ងរំលោភសេពសន្ថវៈ លើស្រីជនជាតិចិន នៅបន្ទប់រោងចក្រយួយយាំង
រាជធានីភ្នំពេញ៖កម្លាំងជំនាញខណ្ឌសែនសុខ ចុះចាប់ឃាត់ខ្លួនជនសង្ស័យម្នាក់កាលពីថ្ងៃទី២៦ ខែធ្នូ ឆ្នាំ២០១៩ ពាក់ពន្ឋ័ករណីប៉ុនប៉ងរំលោភសេពសន្ថវ: លើស្រីជនជាតិចិន នៅត្រង់ចំណុចក្នុងបន្ទប់រោងចក្រយួយយាំង ផ្លូវបេតុង ស្ថិតនៅក្នុងភូមិរោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
សមត្ថកិច្ចបានឲ្យដឹងថា៖ជនសង្ស័យមានឈ្មោះ ចេវ យន ភេទប្រុស អាយុ៤៥ ជនជាតិខ្មែរ មុខរបរសន្តិសុខក្រុមហ៊ុនSSY ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
រីឯជនរងគ្រោះមានឈ្មោះ LU JINHUQA ភេទស្រី អាយុ៣៥ ជនជាតិចិន មុខរបរបុគ្គលិករោងចក្រយួយយាំង ស្នាក់នៅបន្ទប់ក្នុងរោងចក្រយួយយាំង ផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ កាន់លិខិតឆ្លងដែនលេខ EG1298413។
ក្រោយពីឃាត់ខ្លួនជនសង្ស័យខាងលើ កម្លាំងសមត្ថកិច្ចបញ្ជូនទៅកាន់អធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕