ជនជាតិចិនម្នាក់ ធ្លាក់ពីលើអគារកំពស់៦ជាន់ នៅក្នុងបវិវេណកាស៊ីណូហូលីដេផាលេស ក្រុងប៉ោយប៉ែត បណ្តាលឲ្យស្លាប់ភ្លាមៗ
ខេត្តបន្ទាយមានជ័យ៖បុរសជាជនជាតិម្នាក់ បានធ្លាក់ពីលើអគារកំពស់៦ជាន់ បណ្តាលឲ្យបែកក្បាល និងបោកដងខ្លួនស្លាប់ភ្លាមៗនៅកន្លែងកើតហេតុ ខណៈដែលជនរងគ្រោះកំពុងបំពេញការងារសាងសង់អាគារ។
ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៧ និង៣០នាទីព្រឹក ថ្ងៃទី២៣ ខែធ្នូ ឆ្នាំ២០១៩ នៅក្នុងបវិវេណកាស៊ីណូហូលីដេផាលេស ស្ថិតនៅភូមិ/សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បើតាមប្រភពព័ត៌មានបានឲ្យដឹងថា៖ជនរងគ្រោះមានឈ្មោះ LIU WANJUN ភេទប្រុស កើតនៅថ្ងៃទី១៦ ខែវិច្ឆិការ ឆ្នាំ១៩៨៨ មុខរបរជាងសំណង់ មានស្រុកកំណើត នៅខេត្តហ៊ីណាន ប្រទេសចិន កាន់លិខិតឆ្លងដែនលេខEG0391825 ចុះថ្ងៃទី១៨ ខែមេសា ឆ្នាំ២០១៩ ផុតកំណត់ថ្ងៃទី១៧ ខែមេសា ឆ្នាំ២០២៩។រីឯ វីសាចុះថ្ងៃទី២៥ ខែវិច្ឆិការ ឆ្នាំ២០១៩ ផុតថ្ងៃទី២៦ ខែឧសភា ឆ្នាំ២០២០។
សពជនរងគ្រោះ ត្រូវបានយកមកតំកល់ទុកនៅមន្ទីរពេទ្យបង្អែកក្រុងប៉ោយប៉ែត២៕