ឯកឧត្តមបណ្ឌិត ថោង ខុន អញ្ជើញជាអធិបតី ក្នុងកិច្ចប្រជុំត្រៀមរៀបចំពិធីបុណ្យសមុទ្រ ខេត្តកំពតលើកទី៨ ជុំទី២
ខេត្តកំពត៖នាព្រឹកថ្ងៃពុធ ៧រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញជាអធិបតីក្នុងកិច្ចប្រជុំគណៈកម្មការអន្តរក្រសួង និងអនុគណៈកម្មការខេត្ត ដើម្បីត្រៀមរៀបចំពិធីបុណ្យសមុទ្រខេត្តកំពត លើកទី៨ ជុំទី២។
ពិធីនេះប្រព្រឹត្តទៅនៅសាលប្រជុំក្រុមប្រឹក្សាខេត្ត ដោយមានការចូលរួមពីថា្នក់ដឹកនាំមកពីក្រសួងពាក់ព័ន្ធ និងប្រធាន អនុប្រធាន ក៏ដូចជាសមាជិកអនុគណៈកម្មការទាំង៦ សរុបប្រមាណ១០០នាក់។
ក្នុងឱកាសនោះដែរឯកឧត្តមអភិបាលបានមានប្រសាសន៍ថា រហូតមកដល់ថ្ងៃនេះ កិច្ចការរបស់អនុគណៈកម្មការទាំង៦ បានរៀបចំរួចរាល់១០០%ហើយ។លទ្ធផលទាំងនេះកើតឡើងដោយសារកិច្ចសហការល្អរបស់សមាជិកក្នុងអនុគណៈកម្មការនីមួយៗស្របតាមការចង្អុលបង្ហាញរបស់ឯកឧត្តមប្រធានគណៈកម្មការអន្តរក្រសួង ក៏ដូចជាការដឹកនាំរបស់រដ្ឋបាលខេត្តកំពតផ្ទាល់៕