ក្រសួងសុខាភិបាល នឹងផ្តល់ក្របខណ្ឌ១,៣០០នាក់ និងក្រសួងអប់រំយុវជន និងកីឡា នឹងផ្តល់ក្របខណ្ឌ៣,៦០០ នាក់ នៅឆ្នាំ២០២០
រាជធានីភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសផ្តល់ក្របខណ្ឌដល់ក្រសួងពីរសម្រាប់ឆ្នាំ២០២០ គឺក្រសួងអប់រំយុវជន និងកីឡាចំនួន៣,៦០០នាក់ និងក្រសួងសុខាភិបាលចំនួន១,៣០០នាក់។
សម្តេចចេញសេចក្តីប្រកាសបែបនេះ ខណៈដែលសម្តេចអញ្ជើញថ្លែងសុន្ទរកថា ទៅកាន់និស្សិតនៃសាកលវិទ្យាល័យវិទ្យាសាស្រ្តសុខាភិបាល កាលពីព្រឹកថ្ងៃទី ១៦ ធ្នូ ២០១៩ នៅកោះពេជ្យ។
ក្របខណ្ឌដែលត្រៀមនឹងផ្តល់ជូនក្រសួងទាំង២ខាងលើនេះ គឺដោយសារកំណើនៃសិស្សានុសិស្សដែលកើនឡើងជារៀងរាល់ឆ្នាំ ហើយទន្ទឹមនឹងនោះដែរ ក៏មានមន្រ្តីចាស់ៗមួយចំនួនត្រូវបានចូលនិវត្តន៍ ដែលតម្រូវអោយមានការជ្រើរើសបុគ្គលិកមន្រ្តីរាជការបន្ថែម ហើយនេះក៏ដូចគ្នានឹងវិស័យសុខាភិបាលផងដែរ ដែលរាជរដ្ឋាភិបាលត្រូវបង្កើនទាំងអគារពេទ្យ និងធនធានគ្រូពេទ្យអោយកាន់តែច្រើនឡើង ដើម្បីបម្រើសេចក្តីត្រូវការរបស់ប្រជាពលរដ្ឋចាប់តាំងពីទីក្រុងរហូតដល់ជនបទ៕
