ឯកឧត្តម ជឹង ផល្លា ដឹកនាំកិច្ចប្រជុំសាមញ្ញលើកទី៧ របស់ក្រុមប្រឹក្សាខេត្តកំពតអាណត្តិទី៣
ខេត្តកំពត៖នាព្រឹកថ្ងៃព្រហស្បតិ៍ ១រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែធ្នូ ឆ្នាំ២០១៩ ឯកឧត្តម ជឹង ផល្លា ប្រធានក្រុមប្រឹក្សាខេត្ត និងលោក នៃ គង់ អភិបាលរងខេត្ត តំណាងឯកឧត្តម ជាវ តាយ អភិបាល នៃគណៈអភិបាលខេត្តកំពត បានដឹកនាំកិច្ចប្រជុំសាមញ្ញលើកទី៧ របស់ក្រុមប្រឹក្សាខេត្តកំពត អាណត្តិទី៣ ដោយមានការអញ្ជើញចូលរួមពីសមាជិក សមាជិកាក្រុមប្រឹក្សាខេត្តចំនួន២៤រូប។
របៀបវារៈនៃកិច្ចប្រជុំរបស់ក្រុមប្រឹក្សារួមមាន៖
១.ពិនិត្យ និងអនុម័តលើកំណត់ហេតុនៃកិច្ចប្រជុំសាមញ្ញលើកទី៦ របស់ក្រុមប្រឹក្សាខេត្តកំពត។
២.ពិនិត្យ និងអនុម័តលើរបាយការណ៍ប្រចាំខែវិច្ឆិកា ឆ្នាំ២០១៩ ស្តីពីការអនុវត្តការងាររបស់រដ្ឋបាលខេត្តកំពត។
៣.ពិនិត្យ និងអនុម័តលើការបែងចែកប្រាក់រង្វាន់លើកទឹកចិត្តជូនមន្ត្រីរាជការសាលាខេត្តកំពត សម្រាប់ខែវិច្ឆិកា ឆ្នាំ២០១៩។
៤.ពិនិត្យ និងអនុម័តលើការកែសម្រួលព្រំប្រទល់រដ្ឋបាលក្រុងកំពត និងស្រុកទឹកឈូ។
៥.ពិនិត្យ និងអនុម័តលើលទ្ធផលអំពីការធ្វើវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត ឆ្នាំ២០១៩ នៅតាមបណ្តាក្រុងស្រុក។
៦.សេចក្តីរាយការណ៍អំពីលទ្ធផលដែលក្រុមប្រឹក្សាខេត្តកំពតបានអនុម័តក្នុងកិច្ចប្រជុំលើកទី៦ ធ្វើការណែនាំដល់លោកប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តកំពត៕
