ចាប់ឃាត់ខ្លួនជនសង្ស័យបានចំនួន០៤នាក់ ពាក់ពន្ឋ័ករណីទទួលផលចោរកម្ម
ខេត្តកណ្តាល៖ជនសង្ស័យចំនួន០៤នាក់ ដែលជាប់ពាក់ពន្ឋ័ករណីទទួលផលចោរកម្ម ត្រូវបានកម្លាំងអធិការដ្ឋានស្រុកអង្គស្នួល សហកាជាមួយកម្លាំងអធិការដ្ឋានស្រុកឧដុង្គ ចាប់ឃាត់ខ្លួនកាលពីរសៀលថ្ងៃទី០៣ ខែវិច្ឆិកា ឆ្នាំ២០១៩ នៅចំណុចផ្ទះជនសង្ស័យ ឈ្មោះ កង ទី ភេទប្រុស ស្ថិតនៅក្នុងភូមិរំដេញ ឃុំម្កាក់ ស្រុកអង្គស្នួល ខេត្តកណ្តាល។
ជនសង្ស័យទាំង០៤នាក់ដែលត្រូវបានកម្លាំងសមត្ថកិច្ចចាប់ឃាត់ខ្លួនរួមមាន៖
១/ ឈ្មោះ កង ទី ភេទប្រុស អាយុ២៥ឆ្នាំ នៅភូមិត្រើង ឃុំម្កាក់ ស្រុកអង្គស្នួល។
២/ ឈ្មោះ អាត លាភ ភេទប្រុស អាយុ២១ឆ្នាំ នៅភូមិអំពិល សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
៣/ ឈ្មោះ វុទ្ធី ដាវីត ភេទប្រុស អាយុ១៨ឆ្នាំ នៅភូមិបឹងសាឡាង សង្កាត់ឫស្សីកែវ ខ្ឌឬស្សីកែវ រាជធានីភ្នំពេញ។
៤/ ឈ្មោះ ចាន់ សុខលី ហៅ ជ័យ ភេទប្រុស អាយុ៣៤ឆ្នាំ នៅភូមិរំដេញ ឃុំម្កាក់ ស្រុកអង្គស្នួល ខេត្តកណ្តាល។
បើតាមសមត្ថកិច្ចបានឲ្យដឹងថា ការចុះប្រតិបត្តិការណ៍នេះ សមត្ថកិច្ចបានឆែកឆេរផ្ទះជនសង្ស័យ រកឃើញនូវវត្ថុតាងរួមមាន៖ម៉ូតូចំនួន០៧គ្រឿង,តួម៉ូតូចំនួន០៦គ្រឿង,ស្លាកលេខម៉ូតូចំនួន០៥គ្រឿង,គ្រឿងស្ពាន់០១ឡាំង,ទូរស័ព្ទចំនួន០៧គ្រឿង,ជញ្ជីងសំរាប់ថ្លឹងថ្នាំញៀនចំនួន០១,ថ្នាំញៀនចំនួនចំនួន០៥កញ្ចប់មធ្យម និងសម្ភារៈសំរាប់ជក់មួយចំនួនទៀត។
បច្ចុប្បន្ន ជនសង្ស័យ និងវត្ថុតាង ត្រូវបានប្រគល់ជូនអធិការដ្ឋាននគរបាលស្រុកអង្គស្នួល ដើម្បីកសាងសំណុំរឿងចាត់ការតាមនិតិវិធី៕