បុរសវ័យចំណាស់ម្នាក់ បាត់ពីផ្ទះ៣ថ្ងៃពលរដ្ឋប្រទះឃើញ ស្លាប់អណ្តែតទឹក នៅស្ពានសែសិន ក្រុងសិរីសោភ័ណ
ខេត្តបន្ទាយមានជ័យ៖កាលពីវេលាម៉ោងប្រមាន៦ព្រឹក ថ្ងៃទី៤ ខែវិច្ឆិការ ឆ្នាំ២០១៩ មានការភ្ញាក់ផ្អើលមួយបានកើតឡើង ដោយប្រជាពលរដ្ឋបានប្រទះឃើញសាកសពបុរសវ័យចំណាស់ម្នាក់ ស្លាប់អណ្តែតទឹក នៅចំណុចស្ពានសែសិន ស្ថិតនៅក្នុងភូមិក្ពាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បន្ទាប់ពីបាត់ពីផ្ទះ៣ថ្ងៃមក។
សមត្ថកិច្ចបានឲ្យដឹងថា សពជនរងគ្រោះមាន ឈ្មោះ វ៉ាង សំអាត ភេទប្រុស អាយុ៥១ឆ្នាំ មានប្រពន្ធឈ្មោះ ថ្លាង គឹមលាង អាយុ៤៨ រស់នៅភូមិកន្ទួត សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។
សមត្ថមិច្ចបញ្ជាក់ឲ្យថា តាមការអះអាងរបស់ប្រពន្ធថា ប្តីរបស់ខ្លួនកន្លងមកផឹកស្រាស្រវឹងខួបរហូតដល់ជាមនុស្សវិកលចរឹកមិនស្គាល់ខុសត្រូវ មុនស្លាប់នេះគឺបានបាត់កាត់ពីផ្ទះរយះពេល៣ថ្ងៃមកហើយរហូតក្រុមគ្រួសារបានខំដើររកគ្រប់ច្រកល្ហកដែរតែរកមិនឃើញ លុះនៅវេលាម៉ោង៦ព្រឹក ថ្ងៃទី៤ ខែវិច្ឆិការ នេះ ទើបប្រជាពលរដ្ឋបានឃើញសពអណ្តែកទឹកនៅស្ពានសែសិនតែម្តង។
បច្ចុប្បន្នសពត្រូវបានក្រុមគ្រួសារជួលកាណូតអូសតាមទឹកយកទៅផ្ទះ ដើម្បីចាត់ចែងធ្វើបុណ្យតាមប្រពៃណី៕
