ឯកឧត្តមអភិបាលខេត្តកែប ជួបសំណេះសំណាល ជាមួយប្រតិភូយុវជន ស ស យ ក ចំនួន៧០នាក់នៅវិមានពហុកីឡដ្ឋានជាតិ
ខេត្តកែប៖កាលពីរសៀលថ្ងៃ ព្រហស្បត៍ ២កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៩ ឯកឧត្តម កែន សត្ថា អភិបាល នៃគណៈអភិបាលខេត្ត បានអញ្ចើញជួបសំដែងការគួរសម្យ ជាមួយប្រតិភូយុវជន សសយក ៧០នាក់ ដែលត្រូវចូលរួមខួបលើកទី៤១ កំណើតសហភាពសហព័ន្ធយុវជន កម្ពុជា ២ធ្នូ ១៩៧៨ ,២ធ្នូ ២០១៩ ដែលនឹងប្រព្រឹត្តទៅនៅថ្ងៃទី៣០ ខែវិច្ឆិកា ឆ្នាំ២០១៩ នៅវិមានពហុកីឡដ្ឋានជាតិ។
ក្នុងពិធីនេះ ឯកឧត្តម កែន សត្ថា អភិបាលខេត្តកែប ក៏មានមតិសំណេះសំណាល ដោយបានលើកឡើងអំពីប្រវត្តិនៃការតស៊ូ របស់យុវជនយុវតីគ្រប់ស្រទាប់វណ្ណៈដែលបានលះបង់អាយុជីវិតធ្វើជាដើមទុន ដើម្បីរំដោះជាតិ មាតុភូមិ និងប្រជាជន ពីរបបប្រល័យពូជសាសន៍ ប៉ុល ពត រហូតទទួលបាននូវសុខសន្តិភាព នឹងការអភិវឌ្ឍន៍រីកចម្រើនគ្រប់វិស័យមកដល់សព្វថ្ងៃនេះ ដូចនេះក្មួយៗជាយុវជនជំនាន់ក្រោយ ត្រូវជួយថែរក្សាសុខសន្តិភាព និងអភិវឌ្ឍន៍ប្រទេសជាតិយើងឱ្យកាន់តែរីកចម្រើនទៅមុខទៀត។
ឆ្លៀតក្នុងឱកាសនោះដែរ ឯកឧត្តមអភិបាលខេត្ត ក៏បានឧបត្ថម្ភថវិកាដល់យុវជន សសយក ទាំង៧០រូប ដែលក្នុងម្នាក់ៗទទួលបានថវិកាចំនួន៤០.០០០រៀល សរុបថវិកាចំនួន២.៨០០.០០០រៀល៕