ឯកឧត្តម កែន សត្ថា ដឹកនាំកិច្ចប្រជុំ ប្រតិទិនការងារកសាងផែនការ ការអភិវឌ្ឍន៍រយៈពេល៥ឆ្នាំ របស់រដ្ឋបាលខេត្តកែប
ខេត្តកែប៖សេចក្តីព្រាងស្ដីពីប្រតិទិនការងារកសាងផែនការអភិវឌ្ឍន៏រយៈពេលប្រាំឆ្នាំរបស់រដ្ឋបាលខេត្ត និងសេចក្តីព្រាងសេចក្តីសម្រេចគោលការណ៍ណែនាំផ្នែកគោលនយោបាយរបស់ក្រុមប្រឹក្សាខេត្ត អាណត្តិទី៣ ត្រូវបានដាក់ជូនគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្តកែប នារសៀលថ្ងៃទី២៧ ខែវិច្ឆិកា ឆ្នាំ២០១៩។
ក្នុងអង្គប្រជុំ ឯកឧត្តម កែន សត្ថា អភិបាលខេត្តកែប និងជាប្រធានគណៈកម្មាធិការសម្របសម្រួលបច្ចេកទេស បានមានប្រសាសន៍ថា ដំណើរការនៃការកសាងផែនការអភិវឌ្ឍន៍ជាងពេល៥ឆ្នាំ របស់ខេត្តកែប ត្រូវតែរៀបចំតាមសេចក្តីណែនាំបច្ចេកទេស និងត្រូវមានប្រតិទិនច្បាស់លាស់។
ឯកឧត្តមអភិបាលខេត្តបានបន្ថែមទៀតថា សមាជិក សមាជិកា របស់គណៈកម្មការសម្របសម្រួលបច្ចេកទេសនាពេលនេះ ត្រូវតែពិនិត្យ និងផ្ដល់យោបល់ ទៅលើឯកសារចំនួនពីរ គឺប្រតិទិនការងារកសាងផែនការអភិវឌ្ឍន៍រយៈពេល ៥ឆ្នាំរបស់ខេត្ត និងសេចក្តីព្រាងសេចក្តីសម្រេចគោលការណ៍ណែនាំផ្នែកគោលនយោបាយរបស់ក្រុមប្រឹក្សាខេត្តឲ្យបានហ្មត់ចត់ ព្រោះឯកសារទាំងពីរនេះពិតជាមានសារសំខាន់ណាស់សម្រាប់គាំទ្រដំណើរការនឹងការចាប់ផ្ដើមនៅការកសាងផែនការអភិវឌ្ឍរយៈពេល៥ឆ្នាំរបស់ខេត្ត ឲ្យមានប្រសិទ្ធភាពនិងភាពអាចអនុវត្តបានដោយជោគជ័យ៕
