បើកម៉ាស៊ីនច្រូតស្រូវ ចំមីនតោនផ្ទុះ បណ្តាលឲ្យបុរសម្នាក់ រងរបួសដាច់ដៃស្តាំ ដឹកបញ្ជូនសង្គ្រោះនៅឯមន្ទីពេទ្យ
ខេត្តបន្ទាយមានជយ័៖បុរសម្នាក់រងរបួសយ៉ាងធ្ងន់ធ្ងដាច់ដៃខាងស្តាំ ដឹកបញ្ជូនយកទៅសង្គ្រោះនៅឯមន្ទីពេទ្យភ្លាមៗ បន្ទាប់ពីបើករថយន្តច្រូតស្រូវ ជាន់មីនតោន នៅចំណុចស្រែខាងត្បូងភូមិចំងាយប្រហែល៨០០ម៉ែត្រ ស្ថិតនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ នាវេលាម៉ោង១៣និង០០នាទី ថ្ងៃទី២៥ ខែវិច្ឆិកា ឆ្នាំ២០១៩។
បើតាមប្រភពព័ត៌មានបានឲ្យដឹងថា ជនរងគ្រោះមានឈ្មោះ ជ្រុន ធឿន ភេទប្រុសអាយុ៣៨ឆ្នាំ មុខរបរ បើករថយន្តច្រូតស្រូវ រស់នៅភូមិរកុំក្រោម ឃុំឬស្សីក្រាំង ស្រុកមោងឬស្សី ខេត្ដបាត់ដំបង រងបួសដាច់ដៃស្តាំត្រឹមដើមដៃ។
ក្រោយពីកើតហេតុភ្លាមរថយន្តសារ៉ែនរបស់នគរបាលប៉ុស្តិ៍អូរបីជាន់ បានដឹកបញ្ជូនទៅសង្គ្រោះនៅឯមន្ទីរពេទ្យ៕
