អាវុធហត្ថ ខេត្តឧត្តរមានជ័យ ចុះបង្ក្រាបទីតាំងសិប្បកម្មស្តុបឈើ ចំនួន៧កន្លែង ក្នុងស្រុកអន្លង់វែង
ខេត្តឧត្តរមានជ័យ៖ទីតាំងសិប្បកម្មកែច្នៃគ្រឿងសង្ហារឹម នឹងស្តុមឈើចំនួន៧កន្លែង ត្រូវបានកងរាជអាវុធហត្តស្រុកអន្លង់វែងធ្វើការសហការណ៍ជាមួយមន្រ្តីជំនាញរដ្ឋបាលព្រៃឈើបង្ក្រាបចាប់ពីថ្ងៃទី២០នឹង២១វិច្ឆិកា២០១៩។
ហេតុការណ៍បង្ក្រាបនេះស្ថិតនៅក្នុងភូមិស្រះឈូក ឃុំត្រពាំងងប្រីយ៍ ស្រុកអន្លង់វែង ខេត្តឧត្តរមានជ័យ។
លោកវរសេនីយ៍ឯកងួន ទ្ធី រិទ្ធមេបញ្ជាការអាវុធហត្ថ ស្រុកអន្លង់វែងបានឲ្យដឹងថា យោងតាមបទបញ្ជាពីឧត្តមសេនីយ៍ឯកសៅ សុខាមេបញ្ជាការអាវុធហត្ថលើផ្ទៃប្រទេស លោកបានដឹកនាំកងកំលាំងអាវុធហត្ថ នឹងធ្វើការសហការណ៍ជាមួយកំលាំងមន្រ្តីជុំនាញរដ្ឋបាលព្រៃឈើ ចុះបង្ក្រាបចាប់ពីថ្ងៃទី២០រហូតមកទល់នឹងថ្ងៃទី២១វិច្ឆិកា បានចំនួន៧ទីតាំងសិប្របកម្ម ដោយរឹបអូសឈើដែលមិនទាន់កែច្នៃជាគ្រឿងសង្ហារឹមចំនួនជាង៥០មែត្រកូប។
ប្រជាពលរដ្ឋដែលមានទីលំនៅក្នុងភូមិស្រះឈូកបានឲ្យដឹងថា រោងសិប្បកម្មនៅក្នុងភូមិនេះគឺពួកគាត់បានប្រមូលទិញពីប្រជាពលរដ្ឋក្នុងស្រុកដែលកាប់កាត់នៅតាមតំបន់ព្រៃនឹងនៅតាមស្រែចំការរបស់ពួកគាត់ផងដែរ ដោយទីតាំងសិប្បកម្មកែច្នៃទាំងនេះ ពុំមានព្រៃគប់សម្រាប់យកអនុផលព្រៃឈើមកកែច្នៃនោះទេ៕