ចាប់វាយខ្នោះ បុរសល្មោភកាមម្នាក់ ល្បួងក្មេងស្រីអាយុ១៣ឆ្នាំម្នាក់ ទៅរំលោភ រហូតបានសំរេចនៅក្នុងបន្ទប់ទឹក
រាជធានីភ្នំពេញ៖ក្មេងស្រីអាយុ១៣ឆ្នាំម្នាក់ ត្រូវបាន បុរសល្មោភកាមម្នាក់ល្បួងយកទៅរំលោភ រហូតបានសំរេច ដោយចំណាយលុយត្រឹមតែ១០ដុល្លាតែប៉ុណ្ណោះ។
បើតាមលោកវរៈសេនីយ៍ឯកជឹម ស៊ីថា អធិការខណ្ឌដង្កោបានឲ្យដឹងថា កាលពីរសៀលថ្ងៃទី២២ ខែវិច្ឆិកា ឆ្នាំ២០១៩ កម្លាំងនគរបាលប៉ុស្តិ៍ក្រាំងពង្រ បានធ្វើការឃាត់ខ្លួនជនសង្ស័យម្នាក់ ក្រោយពីល្បួងក្មេងស្រីយកទៅរួមរក្ស័បានសម្រេច។ហេតុការណ៍នេះបានកើតឡើងកាលពីវេលាម៉ោង២០និង១០នាទី ថ្ងៃទី២១ ខែវិច្ឆិកា ឆ្នាំ ២០១៩ ត្រង់ចំណុចបន្ទប់ទឹកបុរីសាន់ស៊ីម៉ិច ភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
សមត្ថកិច្ចបន្តថា ក្មេងស្រីរងគ្រោះមានឈ្មោះ វ.ល.ហ អាយុ១៣ឆ្នាំ។ចំណែកជនសង្ស័យមានឈ្មោះ សាំ គ្រៀង ភេទប្រុស អាយុ៤០ឆ្នាំ មុខរបរកម្មករបុរីសាន់ស៊ីម៉ិច ទីលំនៅបុរីសាន់ស៊ីម៉ិច ស្ថិតនៅភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ត្រូវបានឃាត់ខ្លួនកាលពីថ្ងៃទី២២ ខែវិច្ឆិកា ឆ្នាំ២០១៩ វេលាម៉ោង០៩និង០០នាទី។
ពាក់ពន្ឋ័ករណីខាងលើនេះបើតាមប្រភពព័ត៌មានបានឲ្យដឹងថា កាលពីថ្ងៃទី២១ ខែវិច្ឆិកា ឆ្នាំ២០១៩ វេលាម៉ោង៨ និង១០នាទីយប់ ក្មេងស្រីរងគ្រោះ បានដើរចេញពីផ្ទះរបស់ឈ្មោះ សុន សុភាព ភេទស្រី អាយុ២៧ឆ្នាំ(ជាអ្នកស្គាល់គ្នាជាមួយក្មេងស្រីរងគ្រោះ) ដែលមានចម្ងាយពីផ្ទះក្មេងស្រីរងគ្រោះប្រហែល៣០០ម៉ែត្រ ក្នុងភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ។ពេលក្មេងស្រីរងគ្រោះដើរដល់ផ្សាររាត្រី ស្ថិតនៅភូមិព្រៃសំព័រខាងលើ ក៏បានជួបនឹងជនសង្ស័យកំពុងដើរលេងក្នុងផ្សាររាត្រី ហើយជនសង្ស័យក៏បានឲ្យលុយទៅក្មេងស្រីរងគ្រោះចំនួន១០ដុល្លារ រួចចាប់ទាញដៃក្មេងស្រីរងគ្រោះចូលទៅក្នុងបន្ទប់ទឹកផ្សាររាត្រី (ដែលសាងសង់មិនទាន់រួច)។បន្ទាប់មកជនសង្ស័យក៏ធ្វើសកម្មភាពរំលោភសេពសន្ថវៈលើក្មេងស្រីរងគ្រោះបានសម្រច០១លើក។
ពេលធ្វើសកម្មភាពរំលោភសេពសន្ថវៈរួច ជនសង្ស័យក៏បានប្រាប់ក្មេងស្រីរងគ្រោះកុំឲ្យនិយាយរឿងរ៉ាវខាងលើ ឲ្យយាយតា និងអ្នកដ៏ទៃបានដឹង ហើយក៏ដើរចេញទៅផ្ទះរៀងៗខ្លួន លុះដល់ថ្ងៃទី២២ ខែវិច្ឆិកា ឆ្នាំ២០១៩ វេលាម៉ោង៨ ក្មេងស្រីរងគ្រោះមានការឈឺចាប់ប្រដាប់ភេទយ៉ាងខ្លាំង ក៏បានអង្គុយយំនៅខាងមុខផ្ទះ ឃើញដូចនោះ យាយបង្កើតរបស់ក្មេងស្រីរងគ្រោះ ក៏បានសួរនាំទៅក្មេងស្រីគ្រោះ ទើបក្មេងស្រីរងគ្រោះបាននិយាយរឿងរ៉ាវខាងលើ ប្រាប់យាយឲ្យបានដឹង។
បន្ទាប់មកយាយរបស់ក្មេងស្រីរងគ្រោះបង្កើត ក៏បាននាំក្មេងស្រីរងគ្រោះមករាយការណ៍ប្រាប់សមត្ថកិច្ច និងដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលក្រាំងពង្រនៅថ្ងៃខែឆ្នាំដដែល ដើម្បីឲ្យសមត្ថកិច្ចជួយអន្តរាគមន៍ ហើយនៅវេលាម៉ោង០៩និង០០នាទី ថ្ងៃទី២២ ខែវិច្ឆិកា ឆ្នាំ២០១៩ ធ្វើការស្រាវជ្រាវឃាត់ខ្លួនបានជនសង្ស័យខាងលើបានតែម្តង។ក្រោយពីឃាត់ខ្លួនសមត្ថកិច្ចដកហូតបាន
នូវវត្ថុតាងរួមមាន៖
១/លុយក្រដាស់១០ដុល្លារចំនួន០១សន្លឹក
២/ទូរស័ព្ទដៃចំនួន០២គ្រឿង (ម៉ាកសាំសុង ចំនួន០១គ្រឿង, ម៉ាកណូគាចុចពិលពណ៌ខ្មៅចំនួន០១គ្រឿង) ៣/ខោខូចប៊យជើងត្រឹមជង្គង់ចំនួន០១
៤/អាវយឺតពណ៌សវៀលក្លៀកចំនួន០១ ត្រង់ចំណុចផ្ទះរបស់ជនសង្ស័យ បុរីសាន់ស៊ីម៉ិច ស្ថិតនៅភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ យកមកធ្វើការសាកសួរនៅប៉ុស្តិ៍នគរបាលរដ្ឋបាលក្រាំងពង្រតាមនីតិវីធីច្បាប់តែម្តង។
បច្ចុប្បន្នជនសង្ស័យខាងលើត្រូវបានបញ្ជូនទៅឃុំខ្លូនបណ្តោះអាសន្ន នៅអធិការដ្ឋានខណ្ឌដង្កោ ដើម្បីកសាងសុំណុំរឿងបញ្ជូនទៅតុលាការ ដើម្បីចាត់ការតាមនិតិវិធី៕
