កម្មការិនី រោងចក្រផលិតអំពូលភ្លើង លំអរគ្រប់ប្រភេទម្នាក់ ត្រូវឃាតកអារកសម្លាប់យ៉ាងព្រៃផ្សៃបំផុត
ខេត្តស្វាយរៀង៖នៅវេលាម៉ោង៦ព្រឹក ថ្ងៃទី២២ ខែវិច្ឆិកា ឆ្នាំ២០១៩ មានការភ្ញាក់ផ្អើលមួយបានកើតឡើងដោយកម្មការិនីម្នាក់ ត្រូវឃាតកអារកសម្លាប់យ៉ាងព្រៃផ្សៃបំផុត នៅក្នុងរោងចក្រផលិតអំពូលភ្លើងលំអរគ្រប់ប្រភេទ«ធី វ៉ាយ អេឡិកទ្រិក ឯ.ក» ស្ថិតនៅក្នុងភូមិដើមពោធិ៍ ឃុំកណ្តៀងរាយ ស្រុកស្វាយទាប ខេត្តស្វាយរៀងមិនដឹងពីមូលហេតុ។
បើតាមការបង្ហើបពីកម្មករបម្រើការងារជាមួយជនរងគ្រោះបានឲ្យដឹងថា ជនរងគ្រោះមានឈ្មោះ ខឹម ពិសាល អាយុ២៤ឆ្នាំ មុខរបរជាកម្មកររោងចក្រ រស់នៅភូមិព្រៃឈើទាល ឃុំឈើទាល ស្រុកស្វាយជ្រុំ។
ទោះជាយ៉ាងណាក្តី សមត្ថកិច្ចមិនទាន់បញ្ជាក់ប្រាប់ថា ករណីនេះជាករណីឃាតកម្ម ឬយ៉ាងណានោះទេ កម្លាំងសមត្ថកិច្ចកំពុងតែធ្វើការស្រាវជ្រាវ៕
