ពលរដ្ឋថៃចំនួន១៧៤នាក់ បើកអនឡាញខុសច្បាប់ នៅក្រុងប៉ោយប៉ែត ត្រូវបានអាជ្ញាធរកម្ពុជា ប្រគល់ឲ្យអាជ្ញាធរថៃវិញ តាមការស្នើសុំ
ខេត្តបន្ទាយមានជ័យ៖នៅវេលាម៉ោង០៣និង១០នាទីរសៀល ថ្ងៃទី២១ ខែវិច្ឆិកា ឆ្នាំ២០១៩ អាជ្ញាធកម្ពុជាដឹកនាំដោយ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ និងសមត្ថកិច្ចជំនាញពាក់ពន្ឋ័ បានព្រមព្រៀងគ្នា ធ្វើកិច្ចសន្យាជាមួយជ្ញាធរថៃប្រគល់ និងទទួលពលរដ្ឋថៃ ប្រុស ស្រីចំនួន១៧៤ ដែលមកប្រកបមុខរបរ បើកអនឡាញ ខុសច្បាប់ នៅក្រុងប៉ោយប៉ែត ឲ្យទៅខាងភាគីថៃវិញតាមការស្នើសុំនៅលើស្ពានមិត្តភាពកម្ពុជា-ថៃ។
សូមបញ្ជាក់ដែរថា៖ដោយអនុវត្តន៍បទបញ្ជា ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ស្ដីពីការបង្ក្រាបបទល្មើស ល្បែងស៊ីសងអនឡាញ គ្មានច្បាប់នោះ កាលពីរសៀលថ្ងៃទី១៩ ខែវិច្ឆិកា ឆ្នាំ២០១៩កន្លងទៅថ្មីៗនេះ កម្លាំងអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ដឹកនាំដោយឯកឧត្តម នាយឧត្តមសេនីយ៍ កែវ វណ្ណថន អគ្គនាយករង សហការជាមួយសមត្ថកិច្ចចំរុះខេត្តបន្ទាយមានជ័យ ដែលដឹកនាំដោយលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ ព្រមទាំងមានការសម្របសម្រួលពី លោក តេង សាម៉ៃ ព្រះរាជអាជ្ញារង អមសាលាដំបូងខេត្តបន្ទាយមានជ័យផងនោះ បានចុះបង្ក្រាបទីតាំងអនឡាញខុសច្បាប់ នៅចំណុច បរិវេណជិតកាស៊ីណូផ្កាយ៥ ស្ថិតនៅក្នុងភូមិក្បាលស្ពាន១ /សង្កាត់ / ក្រុងប៉ោយបប៉ែត ខេត្តបន្ទាយមានជ័យ ដោយចាប់ឃាត់ខ្លួនជនសង្ស័យបានជាច្រើននាក់៕
