សិក្ខាសាលាពិគ្រោះយោបល់លើការអភិវឌ្ឍ និងការកសាងទំនុកចិត្តលើផលិតផលសូត្រខ្មែរ ការផ្សព្វផ្សាយ និងការតាំងបង្ហាញផលិតផលសូត្រ និងតម្បាញកម្ពុជាលើកទី ២
ខេត្តសៀមរាប៖លោក ពៅ ពិសិដ្ឋ អភិបាលរងខេត្ត តំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប នៅព្រឹកថ្ងៃព្រហស្បតិ៍ ១០រោច ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែវិច្ឆិកា ឆ្នាំ២០១៩ អញ្ជើញចូលរួមក្នុងពិធីបើកសិក្ខាសាលាពិគ្រោះយោបល់លើការអភិវឌ្ឍ និងការកសាងទំនុកចិត្តលើផលិតផលសូត្រខ្មែរការផ្សព្វផ្សាយ និងការតាំងបង្ហាញផលិតផលសូត្រ និងតម្បាញកម្ពុជាលើកទី ២ នៅភោជនីយដ្ឋានម៉ុងឌីយ៉ាល់ខេត្តសៀមរាប ក្រោមអធិបតីភាពឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងសមាជិកប្រតិភូក្រសួង និងលោកជំទាវ មាន ស្រីណូ អនុរដ្ឋលេខាធិការក្រសួងកិច្ចការនារី និងសមាជិកប្រតិភូក្រសួង និងមានការអញ្ជើញចូលរូមពីលោក ភឿង គឹមលី ប្រធានមន្ទីរពាណិជ្ជកម្ម លោក លោកស្រី តំណាងមន្ទីរ-អង្គភាពពាក់ព័ន្ធ សហភាពសហព័ន្ធយុវជនកម្ពុជា សិស្សនិស្សិត មកពីបណ្តាសកលវិទ្យាល័យនានាក្នុងខេត្ត ។
រដ្ឋបាលខេត្តសៀមរាបរៀបចំពិធីនេះឡើងក្នុងគោលបំណង
១/ពង្រីកវិសាលភាពចំពោះសេដ្ឋកិច្ចកម្ពុជា។
២/ជំរុញលើកទឹកចិត្ត ស្រោចស្រង់កោសសេយ្យវប្បកម្មឡើងវិញ។
៣/បង្កើតឱកាសការងាររឹងមាំឱ្យបានច្រើនបន្ថែមទៀតសម្រាប់ប្រជាពលរដ្ឋនៅតាមទីជនបទ
៤/បង្កើនជំនាញ និងវិជ្ជាជីវៈ។
៥/ពង្រឹងភាពជាដៃគូររវាងវិស័យសាធារណៈ និងឯកជន៕
