នគរបាលប៉ុស្តិ៍រដ្ឋបាលអូរបែកក្អម ឃាត់ខ្លួនជនសង្ស័យម្នាក់ ពាក់ពន្ឋ័ករណីឆក់ទូរសព្ទ័ដៃ
រាជធានីភ្នំពេញ៖កាលពីវេលាម៉ោងជាង១៦ ថ្ងៃទី១៨ ខែវិច្ឆិកា ឆ្នាំ២០១៩ កម្លាំងសមត្ថកិច្ចនគរបាលប៉ុស្តិ៍រដ្ឋបាលអូរបែកក្អម បានធ្វើការឃាត់ខ្លួន ជនសង្ស័យម្នាក់ នៅចំណុចមុខក្រុមហ៊ុនណុងហឹបហ្វានែន ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ ពាក់ពន្ឋ័ករណីឆក់ទូរសព្ទ័ដៃពីជនរងគ្រោះ។
សមត្ថកិច្ចបានឲ្យដឹងថា ជនសង្ស័យមាន ឈ្មោះ លី តិចឃាង ភេទប្រុស អាយុ២២ឆ្នាំ មុខរបរគ្មាន ជនជាតិខ្មែរ ស្នាក់នៅផ្ទះសង់ថ្មី ផ្លូវបេតុង ភូមិច្រេស សង្កាត់គោកឃ្លាង ខណ្ឌសែនសុខ (មានសារធាតុញៀន)។ចំណែកជនរងគ្រោះមាន ឈ្មោះ ពេជ្រ វន្ថា ភេទប្រុស អាយុ៥០ឆ្នាំ មុខរបរបុគ្គលិកក្រុមហ៊ុនណុងហឹបហ្វានែន ជនជាតិខ្មែរ ស្នាក់នៅផ្ទះលេខ១៩៥E១ ផ្លូវ១៣២ ភូមិ៥ សង្កាត់ទឹកល្អក់១ ខណ្ឌដូនពេញ ។
សមត្ថកិច្ចបន្តថា នៅមុនពេលកើតហេតុជនរងគ្រោះកំពុងឈរនិយាយទូរស័ព្ទ ស្រាប់តែលេចមុខជនសង្ស័យជិះម៉ូតូមកដល់ ក៏ធ្វើសកម្មភាពឆក់យកទូរស័ព្ទដៃពីជនរងគ្រោះបានសម្រេច ហើយព្យាយាមជិះរត់ក៏ជ្រុលទៅបុក និងម៉ូតូអ្នកដំណើរបណ្តាលអោយដួល ហើយជនរងគ្រោះស្រែកថាចោរៗ កបជួនសមត្ថកិច្ចប៉ុស្តិ៍កំពុងល្បាត នៅគោកដៅក្បែនោះ ចេញមកជួយឃាត់ខ្លួនបានតែម្តង។
សម្ភារៈបន្សល់ទុកដែលសមត្ថកិច្ចដកហូតបានរួមមាន៖ទូរសព្ទ័ដៃ០១គ្រឿងម៉ាកណូគាហ្វាយភ្លើស ប្រគល់ឲ្យជនរងគ្រោះវិញ,ម៉ូតូ០១គ្រឿងម៉ាកនិចផលិតឆ្នាំ២០២០ពណ៌ស ពាក់ស្លាកលេខភ្នំពេញ 1HZ-8358 របស់ជនសង្ស័យ។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
![]()
![]()
![]()