ផ្ទះអ្នកលក់ឥវ៉ាន់ចាបហួយ ១ខ្នងត្រូវអគ្គភ័យឆាបឆេះ អស់ទាំងស្រុង ដោយសាភ្លើងចង្ក្រានខ្ទាតប៉ះចំកាដុងប្រេង
ខេត្តបាត់ដំបង៖កាលពីវេលាម៉ោង៥និង០០នាទីទាបភ្លឺ ថ្ងៃទី១៩ ខែវិច្ឆិកា ឆ្នាំ២០១៩ មានករណីអគ្គីភ័យមួយបានលេបត្របាក់ផ្ទះអ្នកលក់ឥវ៉ាន់ចាប់ហួយមួយ១ខ្នង ស្ថិតនៅក្នុងភូមិបឹងរាំង ឃុំធិបតី ស្រុកគាស់ក្រឡ ខេត្តបាត់ដំបង បណ្តាលឲ្យឆាបឆេះអស់ទាំងស្រុង តែមិនមានប៉ះពាល់ដល់អាយុជីវិតមនុស្សទេ។
លោកវរសេនីយ៍ឯក ប៉ាង ហៀង អធិការនគនរបាលស្រុកគាស់ក្រឡបានប្រាប់អ្នកយកព័ត៌មានឲ្យដឹងថា៖ផ្ទះដែលត្រូវបានអគ្គីភ័យឆាបឆេះអស់ទាំងស្រុង ដោយសាភ្លើងចង្ក្រានខ្ទាតប៉ះចំកាដុងប្រេងនេះមានទំហំ៦គុណ៧ម៉ែត្រធ្វើអំពីឈើប្រក់ស័ង្កសី ដែលមានម្ចាស់ឈ្មោះ សុំ សាវុន ភេទប្រុស អាយុ៤០ មុខរបរលក់ដូរ មានទីលំរស់ក្នុងភូមិឃុំកើតហេតុខាងលើ។
លោកអធិការបន្តថា៖បើយោងតាមការបញ្ជាក់ពីម្ចាស់ផ្ទះខាងលើបានប្រាប់ថា មុនដំបូងឡើយមកពីភ្លើងចង្រ្កានខ្ទៀតចំកាដុងសាំង ដែលនៅជាប់នឹងផ្ទះបាយទើបបានជាមានករណីនេះកើតឡើងតែម្តង។
លោកបញ្ជាក់ថា៖នៅក្នុងហេតុការណ៍អគ្គីភ័យឆាបឆេះផ្ទះនេះដែរសរុបការនៃការខូចខាតឆេះរួមមាន៖លុយខ្មែរអស់១០លានរៀល,លុយបាតចំនួន២០០០បាត,ឥវ៉ាន់ចាប់ហួយសរុបប្រមាណ៨០លានរៀល(ប៉ែតសិបលានរៀល)។
លោកអធិការបញ្ជាក់បន្ថែមថា ក្នុងកិច្ចប្រតិបត្តិការណ៍ជួយសង្គ្រោះនេះដែរបាន ប្រើប្រាស់ឡានពន្លត់អគ្គីភ័យអស់ចំនួន៣ឡានស្មើនឹង១៨គីប និងឡានដឹកទឹករបស់ក្រុមហ៊ុន ណឹម ម៉េង ១ឡានស្មើនឹង១២គីបសរុបប្រើប្រាស់ទឹកអស់៣០ម៉ែត្រគីប៕