ផ្ទះពលរដ្ឋ១ខ្នង នៅស្រុកកំពង់ស្វាយ ត្រូវអគ្គីភ័យឆាបឆេះ អស់ទាំងស្រុង និងម្ចាស់ផ្ទះម្នាក់រងរបួស
ខេត្តកំពង់ធំ៖ផ្ទះ១ខ្នងរងការខូចខាតអស់ទាំងស្រុង និងមនុស្សម្នាក់រងរបួសដោយសាអគ្គីភ័យឆាបឆេះកាលពីថ្ងៃទី០៨ ខែតុលា ឆ្នាំ២០១៩ ស្ថិតភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ជនរងគ្រោះជាម្ចាស់ផ្ទះមានឈ្មោះ ព្រំ គឹមយ៉ុន ភេទស្រី អាយុ៦៤ឆ្នាំ រងរបួសរលាកខ្លួន។
បើតាមប្រភពព័ត៌មានបានឲ្យដឹងថា៖អគ្គីភ័យឆាបឆេះនេះគឺផ្តើមចេញពីការឆ្លងចរន្តអគ្គិសនី។
ផ្ទះដែលរងការឆាបឆេះនេះមានទំហំ ៦ម x ៧ម ធ្វើអំពីឈើ ដំបូលប្រក់ស័ង្កសី ជញ្ជាំងស្លឹក រនាបក្តារ។រីឯទ្រព្យសម្បត្តិរងកាខូចខាតរួមមាន៖
-មាសចំនួន១៣ជី ក្រវិលផ្លាកទីន១គូ ចិញ្ចៀន២វង់
-ប្រាក់រៀលចំនួន១០,០០០,០០០៛ (ដប់លានរៀល)
-អង្ករចំនួន២បេ ស្មើ៥០គីឡូក្រាម
-ទូរស័ព្ទចំនួន៣គ្រឿង
-សម្ភារ:ប្រើប្រាស់ក្នុងផ្ទះមួយចំនួនទៀត។
សមត្ថកិច្ចបានឲ្យដឹងថា៖ក្នុងប្រតិបត្តិការពន្លត់អគ្គភ័យនេះកម្លាំងបានប្រើប្រាស់រថយន្តអគ្គិភ័យសរុបចំនួន៤គ្រឿង រថយន្តអគ្គិភ័យរបស់ស្នងការដ្ឋាននគរបាលខេត្តចំនួន៣គ្រឿង ប្រើប្រាស់ទឹកពីររថយន្តស្មើនឹង៨ម៉ែត្រគូប,រថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយចំនួន ១គ្រឿងមិនបានប្រើប្រាស់ទឹកទេ៕
