ចាប់ខ្លួនកូនអាកតញ្ញូ យកចបវាយម្តាយបង្កើត បណ្តាលឲ្យបែកក្បាលស្លាប់ ក្នុងថ្លុកឈាម
ខេត្តកំពង់ធំ៖ពិតជាសាហាវខ្លាំងណាស់កូនប្រុសចិត្តជាសត្វតិរិច្ឆាន គ្រាន់តែខឹងនិងម្ដាយស្ដីឲ្យបន្តិចបន្តួចសោះ យកចបកាប់ដីមកវាយក្បាលចំមុខបែកឈាមពេញ បណ្តាលឲ្យស្លាប់យ៉ាងអាណោចអាធ័មបំផុត។
ករណីដ៏រន្ធត់នេះបានកើតឡើងកាលពីថ្ងៃទី០៧ ខែតុលា ឆ្នាំ២០១៩ នៅចំណុចក្រោមផ្ទះជនរងគ្រោះ ឈ្មោះ ក្ដុល អាង ភេទស្រី អាយុ៥៤ឆ្នាំ ស្ថិតនៅក្នុងភូមិអូរគន្ធរត្បូង សង្កាត់អូរគន្ធរ ក្រុងស្ទឹងសែន ខេត្តកំពង់ធំ។
ចំណែកឃារក មានឈ្មោះ សឿន យឿន ហៅក្រៅ ឌឿន ភេទប្រុស អាយុ២៧ឆ្នាំ ត្រូវជាកូនបង្កើត របស់សពជនរងគ្រោះ ត្រូវបានកម្លាំងសមត្ថកិច្ចចាប់ឃាត់ខ្លួន ក្រោយយកចបកាប់ដី វាយទៅលើជនរងគ្រោះជាម្តាយបង្កើត បណ្តាលឲ្យរងរបួសត្រង់ក្បាល និងដៃ បណ្ដាលឲ្យស្លាប់នៅនឹងកន្លែងតែម្ដង។
បច្ចុប្បន្ន ឃាតក ត្រូវបានកម្លាំងសមត្ថកិច្ចកំពុងកសាងសំណុំរឿងដើម្បីចាត់ការតាមនីតិវិធី។ដោយឡែកសព ជនរងគ្រោះត្រូវបានក្រុមគ្រួសារយកធ្វើបុណ្យតាមប្រពៃណី៕