លោក ជាវ តាយ អភិបាលខេត្តកំពត បានចុះសួរសុខទុក្ខនិង នាំយកអំណោយជូន ប្រជាពលរដ្ឋរងគ្រោះ ដោយសារខ្យល់កន្ត្រាក់ កាលពីយប់ថ្ងៃទី២៨ ខែតុលា
ខេត្តកំពត៖នៅព្រឹក ថ្ងៃពុធ ៣កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី៣០ ខែតុលា ឆ្នាំ២០១៩ លោក ជាវ តាយ អភិបាលខេត្ត និងជាប្រធានគណ:កម្មាធិការសាខាកាកបាទក្រហមកម្ពុជាខេត្តកំពត បានដឹកនាំសមាជិក សមាជិកា គណៈកម្មាធិការសាខា ចុះសួរសុខទុក្ខនិង នាំយកអំណោយមនុស្សធម៌របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរានី ហ៊ុនសែន ប្រធានកាកបាទក្រហមកម្ពុជា ជូនដល់ប្រជាពលរដ្ឋរងគ្រោះដោយសារខ្យល់កន្ត្រាក់ ចំនួន២៣២គ្រួសារ នៅស្រុកអង្គរជ័យ និង ស្រុកឈូក ខេត្តកំពត។
អំណោយនេះដែលត្រូវផ្តល់ជូននាពេលនេះ មានថវិកាសរុប ៣៧,៦០០,០០០រៀល សម្រាប់ឧបត្ថម្ភជូនដល់ប្រជាពលរដ្ឋរលំផ្ទះទាំងស្រុងចំនួន៨គ្រួសារ , ធ្លាក់ផ្ទះពីលើជើងតាងចំនួន១៨គ្រួសារ,និងរបើកដំបូលផ្ទះ ចំនួន២០៦គ្រួសារ។ក្រៅពីនោះសាខាបាកបទក្រហមកម្ពុជាខេត្តកំពត ក៏បានឧបត្ថម្ភថវិកាសរុប ១,៧៥០,០០០រៀលថែមទៀត ជូនដល់ប្រជាពលរដ្ឋរងរបួស ដោយសារខ្យល់កន្ត្រាក់ចំនួន៣នាក់ ដែលកំពុងស្នាក់នៅមន្ទីរពេទ្យបង្អែកស្រុកអង្គរជ័យ។
ដោយឡែក លោក ជាវ តាយ អភិបាលខេត្តក៏បានឧបត្ថម្ភថវិកាសរុប ១,០៨០,០០០រៀល ដល់យុវជនកាកបាទក្រហមចំនួន១៦នាក់ , កងកម្លាំងប្រជាការពារចំនួន៣២នាក់ និងក្រុមប្រឹក្សាឃុំចំនួន៦នាក់ផងដែរ៕
