រដ្ឋបាលខេត្តត្បូងឃ្មុំ បើកកិច្ចប្រជុំពិភាក្សាលើ របៀបវារៈសំខាន់ៗ២ចំនុច
ខេត្តត្បូងឃ្មុំ៖នាព្រឹកថ្ងៃទី៣០ ខែតុលា ឆ្នាំ ២០១៩ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណ:គភិបាលខេត្តត្បូងឃ្មុំ បានអញ្ជើញដឹកនាំកិច្ចប្រជុំពិភាក្សាលើ របៀបវារៈសំខាន់ចំនួន២ចំនុចនៅសាលាប្រជុំ(ក)សាលាខេត្ត រួមមាន៖
១-ទិវាបុណ្យឯករាជ្យជាតិ ៩វិច្ឆិកា និងទិវារកំណើតកងយោធពលខេមរភូមិន្ទខួបៀលើកទី៦៦ (១៩៥៣-២០១៩) ដែលនឹងធ្វើឡើងនៅបរិវេណរដ្ឋបាលសាលាខេត្ត នាថ្ងៃទី០៩ ខែវិច្ឆិកា ដោយមានអ្នកចូលរួមដោយថ្នាក់ដឹកនាំ មន្ត្រីរាជការជុំវិញខេត្ត កងកម្លាំងប្រដាច់អាវុធ អង្គការនានា វិស័យឯកជន សិស្សានុសិស្ស និស្សិត និងប្រជាពលរដ្ឋជាង២ពាន់នាក់ ក្នុងនោះក៏បានរៀបចំឲ្យមានការហូបអំបុកការពារជាតិ សាសនា ព្រះមហាក្សត្រ រីករាយជុំគ្នា។
២-ពិធីបុណ្យបណ្ដែតប្រទីប ដែលប្រព្រឹត្តទៅនៅថ្ងៃទី១១ ខែវិច្ឆិកា ឆ្នាំ២០១៩ នៅមាត់ទន្លេសិប្បនិម្មិត បរិវេណរដ្ឋបាលសាលាខេត្តត្បូងឃ្មុំ ដោយក្នុងនោះនាពេលរាត្រីមានការបាញ់កាំជ្រួច ការប្រគុំតន្ត្រី រាំលេងកំសាន្តជួបជុំបងប្អូនប្រជាពលរដ្ឋ ដោយឯកឧត្តមបណ្ឌិតបានអំពាវនាវដល់ ប្រជាពលរដ្ឋគ្រប់ស្រទាប់វណ្ណ:ទូទាំងខេត្តទាំងអស់ អញ្ជើញចូលរួមនាថ្ងៃនោះឲ្យបានច្រើនកុះករផងដែរ៕
