មនុស្សម្នាក់ស្លាប់ និង២៥នាក់រងរបួស ក្នុងហេតុការគ្រោះថ្នាក់ចរាចរណ៍ បង្កឡើងរវាងរថយន្តស្ទូច និងរថយន្តក្រុងបុកគ្នា
ខេត្តស្វាយរៀង៖ឧបទ្ទវហេតុគ្រោះថ្នាក់ចរាចរណ៍ បង្កឡើងរវាងរថយន្តស្ទូច និងរថយន្តក្រុងបុកគ្នា
បណ្តាឱ្យបុរសម្នាក់ស្លាប់ និង២៥នាក់បានរងរបួសធ្ងន់ និងស្រាលបញ្ជួនទៅមន្ទីរពេទ្យភ្លាមៗ។
ហេតុការណ៍នេះបានកើតឡើងកាលពីព្រឹក ថ្ងៃទី២៨ ខែតុលា ឆ្នាំ២០១៩ នៅតាមបណ្តោយផ្លូវជាតិលេខ១ នៅចន្លោះគីឡូម៉ែត្រលេខ១២១-១២២ ស្ថិតនៅក្នុងភូមិស្វាយ សង្កាត់ចេក ក្រុងស្វាយរៀង ខេត្តស្វាយរៀង។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះបានកើតឡើង រវាងរថយន្តម៉ាកហ៊ីយ៉ាន់ដាយ ប្រភេទទេសចរណ៍៤៥កៅអី ពាក់ស្លាកលេខ ភ្នំពេញ 3B-3883 ពណ៌បៃតង បើកបរដោយឈ្មោះ ទ្រឿង ម៉ិញហ័រ ជនជាតិវៀតណាម អាយុ៤២ឆ្នាំ មានទីលំនៅភូមិភូហ្វា ឃុំភូថិន ស្រុកតាំប៊ិន ខេត្តវិនឡុង ស្លាប់ពេលបញ្ជូន ដល់មន្ទីរពេទ្យខេត្ត និងអ្នករួមដំណើរចំនួន២៥នាក់រងរបួសបញ្ជូនសង្គ្រោះនៅឯមន្ទីពេទ្យ។
ចំណែករថយន្តស្ទូច ពណ៌ស ពាក់ស្លាកលេខ ស្វាយរៀង 3A-7677 បើកបរដោយឈ្មោះ គង់ វន្ថា អាយុ២៨ឆ្នាំ មុខរបរបើកបរមានទីលំនៅភូមិទទា សង្កាត់ចេក ក្រុងស្វាយរៀង ខេត្តស្វាយរៀង គ្មានរបួស។
ក្រោយពីកើតហេតុ មធ្យោបាយត្រូវបានយកទៅរក្សាទុកនៅការិយាល័យនគរបាលចរាចរណ៍ខេត្ត ។ដោយឡែកសាកសពប្រគល់ជូនគ្រួសារយកទៅធ្វើបុណ្យតាមប្រពៃណី៕