ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីគ្រឿងញៀន
ខេត្តកណ្តាល៖កម្លាំងសមត្ថកិច្ច មូលដ្ឋានស្រុកកៀនស្វាយ កាលពីនៅវេលាម៉ោង២១និង ៥០នាទី ថ្ងៃអាទិត្យ ១៤រោច ខែអស្សុជ ឆ្នាំកុរ ឯកសក័ ព ស ២៥៦៣ ត្រូវនិងថ្ងៃទី២៧ ខែតុលា ឆ្នាំ២០១៩ បានឃាត់ខ្លួនជនសង្ស័យ១នាក់ ពីបទរក្សាទុកដោយខុសច្បាប់នូវសារធាតុញៀនដើម្បីជួញដូរ និងប្រើប្រាស់ បន្ទាប់ពីកម្លាំងកំពុងត្បាតនៅចំណុចភូមិព្រែកតានប់២ ឃុំកំពង់ស្វាយ ស្រុកកៀនស្វាយ ខេត្តកណ្តាល។
សមត្ថកិច្ចបានឲ្យដឹងថា៖ជនសង្ស័យមានឈ្មោះ ស៊ីណា សាមឌី ភេទប្រុស អាយុ២៦ឆ្នាំ ជនជាតិខ្មែរ មានទីលំនៅភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល មុខរបរនេសាទ(ឃាត់ខ្លួន)។
វត្ថុតាងដកហូតបានរួមមាន៖ម្សៅក្រាមពណ៍ស ថ្លាសង្ស័យជាសារធាតុញៀន ម៉ាទឹកកក ០១ កញ្ចប់មធ្យម,ទួរសព្ទ័ដៃ០១គ្រឿង ម៉ាកSAM SUNGពណ៌ស,កង់០១គ្រឿង។
សមត្ថកិច្ចបានបន្តថា នៅវេលាម៉ោងកើតហេតុខាងលើកម្លាំងនគរបាលប៉ុស្តិ៍កំពង់ស្វាយ និងកម្លាំងប្រជាការពារ បានចុះល្បាត ក្នុងភូមិសាស្រ្ត លុះមកដល់ចំណុចកើតហេតុខាងលើ ក៏បានជួបជនសង្ស័យកំពុងជិះកង់ កម្លាំងក៏បានឃាត់ធ្វើការឆែកឆេរ រកឃើញសារធាតុញៀន ម៉ាទឹកកក ចំនួនមួយកញ្ចប់មធ្យម ក្រោយមកកម្លាំងនគរបាលប៉ុស្តិ៍កំពង់ស្វាយ ក៏បាននាំខ្លួនយកមកប៉ុស្ដិ៍រដ្ឋបាល ដើម្បីធ្វើការសាកសួរបន្ត។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ថ្នាំញៀនចំនួនមួយកញ្ចប់មធ្យមនេះ ពិតជារបស់ខ្លួនប្រាកដមែន ហើយខ្លួនបានទៅទិញពីរឈ្មោះ ហេង ហុង ភេទ ប្រុស អាយុ៣៥ឆ្នាំ ជនជាតិខ្មែរ មុខរបរ ជាងដែក មានទីលំនៅភូមិស្វាយប្រទាល ស្រុកស្អាង ខេត្តកណ្តាល ក្នុងតំលៃ១៨០.០០០រៀល ដើម្បីយកមកប្រើប្រាស់នឹងចែកចាយបន្ត ។
បច្ចុប្បន្នជនសង្ស័យរួមនឹងវត្ថុតាងត្រូវបានកម្លាំងប៉ុសិ៍កំពង់ស្វាយ កសាងសំណុំរឿង ដើម្បីចាត់ការតាមនិតិវិធី៕