ឃាត់ជនសង្ស័យម្នាក់ រួមនិងគ្រឿងញៀនចំនួន២កញ្ចប់ នៅស្រុកស្នួល
ខេត្តក្រចេះ៖កម្លាំងនគរបាលប្រឆាំងគ្រឿងញៀន សហការជាមួយកម្លាំងព្រហ្មទណ្ឌនគរបាលស្រុកស្នួល កាលពីរសៀល ថ្ងៃទី២៧ ខែតុលា ឆ្នាំ២០១៩ បានចុះប្រតិបត្តិការណ៍បង្ក្រាបករណីគ្រឿងញៀន ដោយឃាត់ជនសង្ស័យម្នាក់ និងថ្នាំញៀនចំនួន២កញ្ចប់ នៅភូមិព្រែក្តី ឃុំស្នួល ស្រុកស្នួលខេត្តក្រចេះ ។
សមត្ថកិច្ចបានឲ្យដឹងថា៖ជនសង្ស័យមានឈ្មោះ ថាប់ ចាន់ធឿន(ហៅ ធឿន) ភេទប្រុស អាយុ២៨ឆ្នាំរស់នៅភូមិព្រែក្តី ឃុំស្នួល ស្រុកស្នួល ខេត្តក្រចេះ។
វត្ថុតាងដកហូតបានរួមមាន៖ម្សៅក្រាមពណ៌ស សង្ស័យជាគ្រឿងញៀន ប្រភេទមេតំហ្វេតាមីនម៉ាទឹកកកចំនួន២កញ្ចប់(០១កញ្ចប់មធ្យម និង០១កញ្ចប់តូច),ថង់ប្លាស្ទីកសម្រាប់ច្រកគ្រឿងញៀនមួយចំនួន,ដែកកេះចំនួន១,ទូរស័ព្ទដៃចំនួន១គ្រឿងម៉ាកVIVO។
បច្ចុប្បន្នជនសង្ស័យរួមនិងវត្ថុតាងត្រូវបានឃាត់បណ្តោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនិតិវិធី។
សូមបញ្ជាក់ផងដែរថា ជានសង្ស័យជាមុខសញ្ញាដោយមានដីកាចាប់ខ្លួនលេខ:៧២ច.ខ២០១៩ចុះថ្ងៃទី៣ ខែកក្កដា ឆ្នាំ២០១៩របស់លោកអេង ចំនាប់ ចៅក្រមស៊ើបសួរនៃសាលាដំបូងខេត្តក្រចេះផងដែរ៕
