បង្ក្រាបករណីចែកចាយ និងប្រើប្រាស់គ្រឿងញឿន ពីករណីផ្សេងគ្នា ដោយចាប់ឃាត់ខ្លួនជនសង្ស័យ បានចំនួន២នាក់ ខណៈ៣នាក់ទៀតកំពុងរត់គេចខ្លួន
ខេត្តតាកែវ៖ដើម្បីអនុវត្តនូវគោលនយោបាយភូមិ ឃុំ មានសុវត្ថិភាព របស់រាជរដ្ឋាភិបាល នឹងដោយមានការយកចិត្តទុកដាក់ចំពោះបញ្ហាបទល្មើសគ្រឿងញៀនក្នុងមូលដ្ឋាន ពីសំណាក់លោកឧត្តមសេនីយ៍ទោ សុខ សំណាង ស្នងការដ្ឋាននគរបាលខេត្តតាកែវ កាលពីថ្ងៃសុក្រ ១២ រោច ខែអស្សុជ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៥ ខែតុលា ឆ្នាំ២០១៩ កម្លាំងជំនាញអធិការដ្ឋាននគរបាលស្រុកគិរីវង់ បានចុះប្រតិបត្តិការណ៍បង្រ្កាបមុខសញ្ញាជួញដូរ និងប្រើប្រាស់ នូវសារធាតុញៀនដោយខុសច្បាប់ចំនួន០២ករណីផ្សេងគ្នា។
កណីទី១៖ឃាត់ខ្លួនជនសង្ស័យ០១នាក់មានឈ្មោៈ សោ សម្បត្តិ (ហៅសុច)ភេទប្រុស អាយុ៣០ឆ្នាំមានទីលំនៅភូមិត្រពាំងស្រង់ ឃុំស្រុកគិរីវង់ ខេត្តតាកែវ (មុខសញ្ញាជួញដូរ) នៅចំណុចមុខផ្ទះសំណាក់យីហោលីហ៊ួ ស្ថិតក្នុងភូមិកំពង់ ឃុំព្រះបាទជាន់ជុំ ស្រុកគិរីវង់ ដកហូតបានថ្នាំញៀនប្រភេទម៉្សៅក្រាមថ្លា ពណ៍ ស ចំនួន០៣កញ្ជាប់តូច និងម៉ូតូ០១គ្រឿង។
ករណីទី២៖ឃាត់ខ្លួនជនសង្ស័យចំនួន០១នាក់មានឈ្មោៈ ចិន ពុទ្ទា ភេទប្រុស អាយុ១៦ឆ្នាំ មានទីលំនៅភូមិ-ឃុំកើតហេតុខាងលើ នៅចំណុចភូមិពុម្ពឥដ្ឋ ឃុំព្រៃអំពក ស្រុកគិរីវង់ ខណ:ពេលជនសង្ស័យកំពុងអង្គុយកាត់ស្លឹកកញ្ឆាក្រៀម ជាមួយបក្សពួក០៣នាក់ទៀត។
បើតាមសមត្ថកិច្ចបានឲ្យដឹងថា៖ចំពោះបក្សពួកចំនួន៣នាក់ដែលកំពុងរត់គេចខ្លួននោះទី១.ឈ្មោះតក់ ភេទប្រុស។
២.ឈ្មោះនឿន ភេទប្រុសនិង។
ទី៣.ពុំទាន់ស្គាល់អត្តសញ្ញាណ។
វត្ថុតាងដកហូតបានមានៈកញ្ឆាស្ងួត០១ដុំ ស្មើនឹង៤,៥គីឡូក្រាម ។បច្ចុប្បន្នជនសង្ស័យ រួមនិងវត្ថុតាង ត្រូវបានកម្លាំងជំនាញកំពុងកសាងសំណុំរឿង ដើម្បីចាត់ការតាមនីតិវិធី។ដោយឡែកជនសង្ស័យដែលកំពុងរត់គេចខ្លួន កម្លាំងសមត្ថកិច្ចកំពុងតាមប្រមាញ់ និងស្វែងរកចាប់ខ្លួនយកមកផ្តន្ទាទោសតាមច្បាប់៕
