រដ្ឋបាលខេត្តកែប បើកកិច្ចប្រជុំសាមញ្ញលើកទី៥ របស់ក្រុមប្រឹក្សាខេត្ត អាណតិ្តទី៣
ខេត្តកែប៖កិច្ចប្រជុំសាមញ្ញលើកទី៥ របស់ក្រុមប្រឹក្សាខេត្ត អាណត្តិទី៣ ត្រូវបានរៀបចំឡើងនៅរសៀលថ្ងៃព្រហស្បតិ៍ ១១រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៤ ខែតុលា ឆ្នាំ២០១៩ នៅសាលប្រជុំលាខេត្តកែប ក្រោមអធិបតីភាព លោក សំ សារីន ប្រធានក្រុមប្រឹក្សាខេត្ត និងលោក កែន សត្ថា អភិបាលនៃគណៈអភិបាលខេត្ត ព្រមទាំងមានការអញ្ជើញចូលរួមពី លោក លោកស្រីសមាជិក សមាជិកាក្រុមប្រឹក្សាខេត្ត អភិបាលរងខេត្ត នាយករដ្ឋបាលសាលាខេត្ត លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត នាយក នាយករង នាយិកា ទីចាត់ការអង្គភាពចំណុះរចនាសម្ព័ន្ធសាលាខេត្ត។
កិច្ចប្រជុំបានប្រព្រឹត្តិទៅតាមរបៀបវារៈសំខាន់ៗដើម្បីពិនិត្យ ពិភាក្សា និងអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី៤ របស់ក្រុមប្រឹក្សាខេត្ត អណត្តិទី៣ ពិនិត្យពិភាក្សា និងអនុម័តលើសេចក្ដីព្រាងឯកសាររៀបវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកែបសម្រាប់ឆ្នាំទី១ អណត្តិទី៣។
ពិនិត្យ ពិភាក្សា សេចក្ដីព្រាងរបាយការណ៍ ស្ដីពីសកម្មភាពសំខាន់ៗ ដែលបានអនុវត្តដោយគណៈអភិបាលខេត្តក្នុងចន្លោះកិច្ចប្រជុំសាមញ្ញលើកទី៤ ដល់លើកទី៥ របស់រដ្ឋបាលខេត្ត។
ពិនិត្យ ពិភាក្សា និងអនុម័តលើសេចក្ដីព្រាងរបាយការណ៍បូកសរុបលទ្ធផលការងារប្រចាំ ត្រីមាសទី៣ ឆ្នាំ២០១៩ និងលើកទិសដៅអនុវត្តបន្តរបស់រដ្ឋបាលខេត្ត៕
