មន្ត្រីគយ នៅព្រលានយន្តហោះអន្តរជាតិ ខេត្តសៀមរាប ឆែកឆេររកឃើញគ្រឿងញៀនប្រមាណ២៧.៣០គីឡូក្រាម ខណៈជនជាតិថៃពីរនាក់គ្រោងនាំឡើងយន្តហោះ
ខេត្តសៀមរាប៖ជនជាតិថៃ២នាក់ ត្រូវបានមន្ត្រីគយ និងរដ្ឋាករ នៅព្រលានយន្តហោះអន្តរជាតិខេត្តសៀមរាប ចាប់ឃាត់ខ្លួន កាលពីវេលាម៉ោងប្រមាណជាង១០យប់ ថ្ងៃទី២៤ ខែតុលា ឆ្នាំ២០១៩ បន្ទាប់ពីឆែកឆេររកឃើញគ្រឿងញៀនប្រមាណ២៧.៣០គីឡូក្រាម ជាប្រភេទមេតំហ្វេតាមីន ខណៈដែលគ្រោងនាំឡើងយន្តហោះ។
បើតាមប្រភពព័ត៌មានបានឲ្យដឹងថា៖គ្រឿងញៀននេះ បានរកឃើញនៅក្នុងការបូបអ្នកដំណើរឈ្មោះ SAVAENGPHOL SUPHAPORN ភេទស្រី សញ្ជាតិថៃ អាយុ៣៧ឆ្នាំ និងអ្នកដំណើរឈ្មោះ PRACHAMON WIPA ភេទស្រី សញ្ជាតិថៃ អាយុ៣០ឆ្នាំនៅចំណុចស្ថានីយអ្នកដំណើរចេញអាកាសយានដ្ឋានអន្តរជាតិសៀមរាប។
ប្រភពបញ្ចាក់ថា៖ជនជាតិថៃទាំងពីរនេះនាក់ មានគោលដៅធ្វើដំណើរចេញទៅទីក្រុងម៉ានីល ប្រទេសហ្វីលីពីន៕