កាំកុងត្រូលខេត្តកំពង់ធំ ចុះត្រួតពិនិត្យទំនិញ តាំងពិព័រណ៍កម្ពុជា-ថៃ នៅក្នុងក្រុងស្ទឹងសែន ជាលទ្ធផលមិនឃើញមានទំនិញ ខូចគុណភាព
ខេត្តកំពង់ធំ៖មន្ត្រីសាខាកាំកុងត្រូលខេត្តកំពង់ធំ សហការជាមួយមន្ទីរពាណិជ្ជកម្មខេត្ត អាជ្ញាធរមូលដ្ឋាន បានចុះត្រួតពិនិត្យទំនិញតាំងពិព័រណ៍កម្ពុជា-ថៃ នៅក្នុងក្រុងស្ទឹងសែន ខេត្តកំពង់ធំ កាលពីព្រលប់ ថ្ងៃទី២៣ ខែតុលា ឆ្នាំ២០១៩ ជាលទ្ធផលពុំឃើញមានទំនិញខូចគុណភាព និងមានសារធាតុគីមីឡើយ។
ក្រោយពីធ្វើការត្រួតពិនិត្យរួច លោក លៀង សុភា ប្រធានសាខាកាំកុងត្រូលខេត្តកំពង់ធំ បានធ្វើការណែនាំ ដល់អាជីវករទាំងអស់ត្រូវជៀសវាងការប្រើប្រាស់សារធាតុគីមី ទៅលើផលិតផលម្ហូបអាហារ ឬការកែច្នៃម្ហូបអាហារ ដែលធ្វើឲ្យមានគ្រោះថ្នាក់ ដល់សុខភាព។
ទន្ទឹមនោះលោកប្រធានក៏បានអំពាវនាវដល់អាជីវករ អ្នកលក់ដូរទាំងអស់ ឲ្យមានការប្រុងប្រយ័ត្ន និងយកចិត្តទុកដាក់ខ្ពស់ ចំពោះការចែកចាយ និងនាំចូលទំនិញមកលក់បន្ដ៕