សហរដ្ឋអាមេរិក សម្រេចដកទណ្ឌកម្ម ដែលបានដាក់ លើប្រទេសតួកគី
អន្តរជាតិ៖លោក Donald Trump ប្រធានាធិបតីអាមេរិកបានថ្លែងថា សហរដ្ឋអាមេរិកកំពុងដកទណ្ឌ កម្ម ដែលបានដាក់លើប្រទេសតួកគី កាលពី៩ថ្ងៃមុន ជុំវិញការវាយលុករបស់ពួកគេប្រឆាំងននឹងក្រុមប្រយុទ្ធឃឺដនៅភាគខាងជើងប្រទេសស៊ីរី បន្ទាប់ពីប្រទេសរុស្ស៊ី បានចុះព្រមព្រៀងជាមួយប្រទេសតួកគីក្នុងការដាក់ពង្រាយកងទ័ពឃ្លាំមើល និងបន្តសុពលភាពបទឈប់បាញ់១៥០ម៉ោងបន្ថែមទៀត សំដៅទុកពេលឱ្យក្រុមសកម្មប្រយុទ្ធឃើដ ដកចេញពីតំបន់ព្រំដែនតួកគី-ស៊ីរី ឱ្យបានចំងាយ៣០គីឡូម៉ែត្រ។នេះបើយោងតាមការចុះផ្សាយរបស់សារព័ត៌មានBBC។
លោកDonald Trump ប្រធានាធិបតីអាមេរិករូបនេះ បាននិយាយក្នុងសុន្ទរក នៅទូរទស្សន៍មួយពីសេតវិមានថា ទុកឱ្យអ្នកផ្សេងប្រយុទ្ធគ្នា នៅលើវាលសាច់ប្រឡាក់ដោយឈាមនេះចុះ ហើយទណ្ឌកម្មប្រឆាំងនឹងតួកគី នឹងត្រូវបានដកវិញ ពីព្រោះពួកគេបានធានាថា នឹងបញ្ឈប់ការវាយលុកលើឃើដ ព្រមទាំងទទួលយកបទឈប់បាញ់ជាអចិន្ត្រៃយ៍មួយ៕
![]()
![]()
![]()