សាខាកាកបាទក្រហមកម្ពុជា ស្រុកប្រាសាទបាគង អព្ជើាញចុះជួបសួរសុខទុក្ខ និងនាំយកអំណោយមនុស្សធម៌ ជូនដល់គ្រួសាររងគ្រោះដោយសារលង់ទឹកស្លាប់ចំនួន២នាក់
ខេត្តសៀមរាប៖នាព្រឹកថ្ងៃទី២៣ ខែតុលា ឆ្នាំ២០១៩ លោក សូរ ប្លាតុង ប្រធានគណៈកម្មាធិការអនុសាខាកាកបាទក្រហមស្រុកប្រាសាទបាគង លោក ទៀប ប៊ុនឈួយ ប្រធានកិត្តិយសអនុសាខាកាកបាទក្រហមស្រុកប្រាសាទបាគង និងក្រុមការងារ បានចុះសួរសុខទុក្ខ និងនាំយកអំណោយមនុស្សធម៌ របស់អនុសាខាកាកបាទក្រហមកម្ពុជាស្រុក ផ្តល់ជូនគ្រួសាររងគ្រោះ ដោយសារលង់ទឹកស្លាប់ចំនួន២នាក់រួមមាន ៖
១-គ្រួសារសពឈ្មោះ សាំ ល្មុត ភេទស្រី អាយុ ១៩ឆ្នាំ នៅភូមិរលួសខាងកើត ឃុំរលួស ស្រុកប្រាសាទបាគង ខេត្តសៀមរាប។
២-គ្រួសារសពឈ្មោះ តន់ តក់ ភេទប្រុស អាយុ៤៩ឆ្នាំ នៅភូមិស្ពានក្អែក ឃុំកណ្តែក ស្រុកប្រាសាទបាគង ខេត្តសៀមរាប។
អំណោយមនុស្សធម៌និងថវិកាបានផ្តល់ជូនក្នុង១គ្រួសារទទួលបាន អង្គរ២៥គ.ក្រ,ទឹកត្រី១យួរ,ទឹកស៊ីអ៊ីវ១យួរ,ទឹកបរិសុទ្ធវីតាល់១កេស,មី១កេស,តង់១,ឡាំងទឹក១,កន្ទេល១,មុង១,ភួយ១,ចានដែក១,ចានសម្ល៥,ចានបាយ៥,ចានស្រាក់១,ស្លាបព្រាបាយ៥,បំពង់ទឹកក្តៅ១,វែកបាយ១,ឆ្នាំបាយ១,ខ្ទះ១ និងថវិកាចំនួន៩២០,០០០រៀល៕