រដ្ឋបាលខេត្តស្វាយរៀង បានកំណត់យកនូវរបៀបវរៈចំនួន៨ ក្នុងកិច្ចប្រជុំរបស់ក្រុមប្រឹក្សាខេត្ត
ខេត្តស្វាយរៀង៖កិច្ចប្រជុំសាមញ្ញលើកទី៤ របស់ក្រុមប្រឹក្សាខេត្តស្វាយរៀង បានប្រព្រឹត្តទៅនាព្រឹកថ្ងៃពុធ៤កើត ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០២ ខែតុលា ឆ្នាំ២០១៩នេះ នៅសាលប្រជុំសាលាខេត្តស្វាយរៀង ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និង លោកជំទាវ ឯក សុវណ្ណភារៈ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាល នៃអភិបាលខេត្ត និងមានការអញ្ជើញចូលរួមពី ឯកឧត្តម អភិបាលរងខេត្ត ឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត លោក លោកស្រី នាយក នាយករងរដ្ឋបាលសាលាខេត្ត លោក លោកស្រីនាយក នាយករងទីចាត់ការ/អង្គភាពនានាសាលាខេត្ត និងឯកឧត្តម លោកប្រធានមន្ទីរពាក់ព័ន្ធផងដែរ។
របៀបវរៈនៃកិច្ចប្រជុំរួមមាន៖
១.ពិនិត្យ អនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៣។
២.ពិនិត្យ អនុម័តរបាយការណ៍បូកសរុបលទ្ធផលការងារប្រចាំត្រីមាសទី៣ និងទិសដៅការងារត្រីមាសទី៤ ឆ្នាំ២០១៩ របស់រដ្ឋបាលខេត្ត។
- ពិនិត្យ និងអនុម័តរបាយការណ៍បូកសរុបលទ្ធផលការងារប្រចាំខែកញ្ញា និងទិសដៅការងារខែតុលា ឆ្នាំ២០១៩ របស់រដ្ឋបាលខេត្ត។
៣.ពិនិត្យ និងអនុម័តលើសេចក្តីព្រាង គម្រោងផែនការចំណូល ចំណាយថវិការរបស់រដ្ឋបាល ខេត្តស្វាយរៀង ឆ្នាំ២០២០។
៤.ពិនិត្យ និងអនុម័តលើសេចក្តីព្រាងផែនការសកម្មភាព និងថវិកា ផអ៣ ដំណាក់កាលទី៣ របស់រដ្ឋបាលខេត្ត ឆ្នាំ២០២០
៥.ស្តាប់របាយការណ៍ប្រចាំខែកញ្ញា និងទិសដៅការងារខែតុលា ឆ្នាំ២០១៩ របស់ គកសក ខេត្ត។
៦.ស្តាប់របាយការប្រចាំខែកញ្ញា និងទិសដៅការងារខែតុលា ឆ្នាំ២០១៩ របស់គណៈកម្មាធិការលទ្ធកម្មខេត្ត។
៧.ការអនុម័តលើសេចក្តីព្រាងស្តីពីការបែងចែកប្រាក់រង្វាន់លើកទឹកចិត្តមន្ត្រីរាជការសាលាខេត្ត
៨.សេចក្តីផ្សេងៗ៕