ប្រទះឃើញសពបុរសម្នាក់ លង់ទឹកប្រឡាយ៣០កញ្ញាស្លាប់
ខេត្តកំពង់ធំ៖បុរសម្នាក់ត្រូវបានគេប្រទេះឃើញលង់ទឹកនៅក្នុងប្រឡាយ៣០កញ្ញាស្លាប់
កាលពីថ្ងៃពុធ ០៣រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ នៅក្នុងប្រឡាយ៣០កញ្ញា ស្ថិតនៅភូមិកប់ថ្លុក ឃុំដំរីស្លាប់ ស្រុកកំពង់ស្វាយ ខេត្តកពង់ធំ។
សពមានឈ្មោះ ប្រិញ ណន ភេទប្រុស អាយុ៣៦ឆ្នាំ មុខកសិករ រស់នៅភូមិ ឃុំកើត ហេតុខាងលើ ។
បើតាមការបំភ្លឺរបស់ម្តាយ ឈ្មោះ ស៊ាត ហួយ អាយុ៦២ឆ្នាំ មានទីលំនៅ ភូមិ ឃុំ កើតហេតុខាងលើ បាននិយាយថា នៅវេលាម៉ោងប្រហែល១៨ថ្ងៃទី១៥ ខែតុលា ២០១៩ ជនរងគ្រោះ បានសុំមាន់គាត់ៗក៏ឲ្យមួយក្បាលយកទៅធ្វើម្ហូបក្លែមស្រានៅផ្ទះ ឈ្មោះ ស៊ាន វិសាល ភេទប្រុស នៅភូមិឃុំជាមួយគ្នា តែផឹកស៊ីមិនឃើញមកផ្ទះវិញទេ រហូតដល់ម៉ោងដឹងកើតហេតុខាងលើឃើញកូន គាត់ស្លាប់អណ្តែតទឹកបាត់ទៅហើយ។
បើតាមការបំភ្លឺពីឈ្មោះ ស៊ាន ម៉ៅ អាយុ៣៧ឆ្នាំ ជាបងបង្កើតវិញបានឲ្យដឹងថា ប្អូនឈ្មោះ ស៊ាន វិសាល បន្ទាប់ពីធ្វើមាន់ហូប និងផឹកស្រាស អស់កន្លះលីត្រឃើញថា ប្អូនស្រវឹង ខ្លួនក៏បានឌុបជនរងគ្រោះទៅផ្ទះ លុះឌុបដល់ត្រង់ផ្ទះ ឈ្មោះ ឡាំ ភា ភេទប្រុស នៅរំលងពីផ្ទះរងគ្រោះមួយផ្ទះខ្លួនវិលទៅផ្ទះវិញ លុះដល់ថ្ងៃកើតហេតុខាងលើស្រាប់តែរងគ្រោះខាងលើបានលង់ទឹកស្លាប់បាត់ហើយ។
ក្រោយទទួលលព័ត៌មានកម្លាំងប៉ុស្តិ៍រដ្ឋអំណាចមូលដ្ឋាន និងគ្រូពេទ្យ បានចុះពិនិត្យសពពុំមានឃើញ ស្លាកស្នាមអ្វីដែលពាក់ព័ន្ធនឹងករណីឃាតកម្មប្រគល់សាកសព ឲ្យក្រុមគ្រួសារធ្វើបុណ្យតាមប្រពៃណី៕
![]()
![]()
![]()