ក្រុមចលនាយុវជន១៥៧ ក្រុងប៉ោយប៉ែត នាំយកថវិកាសប្បុរសជន ជូនក្រុមគ្រួសារសព ទីទាល់ក្រ
ខេត្តបន្ទាយមានជ័យ៖នាព្រឹកថ្ងៃព្រហស្បតិ៍ ៤រោច ខែអស្សុជ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៧ ខែតុលា ឆ្នាំ២០១៩ លោក គង់ រិទ្ធា ប្រធានក្រុមចលនាយុវជន១៥៧ ក្រុងប៉ោយប៉ែត ខេត្តបន្ទាយមានជ័យ បានដឹកនាំក្រុមការងារ នាំយកនូវថវិកាមនុស្សធម៌ ជូនទៅដល់ប្រជាពលរដ្ឋដែលមានការខ្វះខាត ដោយមិនមានថវិកា ដើម្បីធ្វើបុណ្យ និងដង្ហែសពម្ដាយ ម្តាយក្មេក ដែលបានស្លាប់បាត់បង់ជីវិតកាលពីរសៀលថ្ងៃទី១៦ ខែតុលា ឆ្នាំ២០១៩ ដោយរោគាពាធ។
ថវិកាដែលយកទៅជូនក្រុមគ្រួសារសព ដែលកំពុងរៀបចំបូជានៅវត្តប្រជាធម្ម សង្កាត់ផ្សារកណ្តាល ក្រុងប៉ោយប៉ែតសរុបចំនួន១១៩០០០០ម៉ឺនរៀល(មួយលានដប់ប្រាំបួនម៉ឺនរៀល)។
សប្បុរសជន ដែលបានជួយឧបត្ថម្ភរួមមាន:
១-លោក គាត ហ៊ុល អភិបាល នៃគណៈអភិបាល ក្រុងប៉ោយប៉ែតចំនួន២០ម៉ឺនរៀល។
២-លោក តាន់ គឹមរិទ្ធ ក្រុមប្រឹក្សាក្រុងប៉ោយប៉ែត ចំនួន១០០ដុល្លាអាមេរិច។
៣-លោក អ៊ឹង ម៉េងតឹក ចំនួន១០០ដុល្លាអាមេរិច។
៤-ក្រុមចលនាយុវជន១៥៧ ក្រុងប៉ោយប៉ែត ដឹកនាំដោយលោក គង់ រិទ្ធា ជាប្រធានចំនួន១៩០០០០រៀល(ដប់ប្រាំបួនម៉ឺនរៀល)។
ជាមួយគ្នានេះដែរក្រុមគ្រួសារសព និងពលរដ្ឋ បានសម្តែងការអគុណយ៉ាងអាណែកកប្បការ និងរកអ្វីប្រៀបផ្ទឹមពុំបានឡើយ ដោយក្រុមចលនាយុវជន១៥៧ និងអាជ្ញាធរមូលដ្ឋានចាប់ពីថ្នាក់ភូមិ រហូតដល់ខេត្ត បានយកចិត្តទុកដាក់យ៉ាងសកម្មរាល់ទុកលំបាករបស់ប្រជាពលរដ្ឋ។នេះជាការរួមចំណែកយ៉ាងសំខាន់ជាមួយប្រមុខរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជា ហ៊ុន សែន នាយករដ្ឋមន្ត្រី នៃកម្ពុជា ជាប្រមុខ ដែលកន្លងទៅនេះសម្តេចបានមានប្រសាន៍មិនឲ្យពលរដ្ឋកម្ពុជាណាម្នាក់ស្លាប់ដោយអត់បាយឡើយ។
សូមបញ្ជាក់ផងដែរថា៖សពដែលបានស្លាប់ដោយរោគាពាធ ដែលក្រុមគ្រួសារមិនមានថវិការបូជាមានឈ្មោះ លឹម សុភាព ភេទស្រី អាយុ៥៧ឆ្នាំ។ស្វាមីសាកសពមានឈ្មោះ ឡាំ សុជា អាយុ៦០។ដោយឡែកកូនៗដែលមានគ្រួសារទាំងអស់សទ្ធតែជាកម្មករនៅទឹកដីថៃ ដោយរកមួយថ្ងៃហូបមួយថ្ងៃសឹងមិនគ្រប់៕
