ព័ត៌មានជាតិ

ជនជាតិថៃម្នាក់ ពាក់ព័ន្ធករ​ណីជួញដូរ និងប្រើប្រាស់​ដោយខុសច្បាប់នូវសារធាតុញៀន ត្រូវអាវុធ​ហត្ថចាប់ខ្លួនបញ្ជូនទៅតុលាការ

(បន្ទាយមានជ័យ )៖ក្រោយពីទទួលបានព័ត៌មានពីសន្តិសុខថា មានករណីលក់ និងប្រើប្រាស់​គ្រឿងញៀ​ននៅចំណុចមុខអគារស្នាក់នៅម្តុំមាត់អូរ ស្ថិតក្នុងភូមិ​អូរជ្រៅ សង្កាត់អូរជ្រៅ ក្រុងប៉ោយ​ប៉ែត នៅវេលាម៉ោង០២និង៣០នាទី ថ្ងៃទី១៧ ខែកក្កដា ឆ្នាំ២០២៤ លោកវរសេនីយ៍ត្រី នួន នីណារ៉ូ មេបញ្ជាការមូ​លដ្ឋានកងរាជអាវុធហត្ថក្រុងប៉ោយប៉ែត បានដឹកនាំកម្លាំង ចុះធ្វើការ​ឃាត់ខ្លួន​ជនសង្ស័យ​ចំនួន០១នាក់ឈ្មោះ ប៉ូរ៉ាមីត ភីមសេន ហៅ បត ភេទប្រុស អាយុ ២៤ឆ្នាំ ជនជាតិថៃ បច្ចុប្បន្នស្នាក់​នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ព្រមទាំងឆែក​លើដងខ្លួន​រកឃើញ​មានវត្ថុតាងជាដូចគ្រឿងញៀនប្រភេទថ្នាំគ្រាប់រាងមូលពណ៌ក្រហមក្បឿង (WY) ចំនួន ១០០គ្រាប់ ទម្ងន់ ១១,១៦ក្រាម,​ទូរស័ព្ទ ចំនួន ០១គ្រឿង(ម៉ាកOPPO ពណ៌ខ្មៅ)​ ហើយនាំខ្លួន​មកកាន់មូលដ្ឋានកងរាជអាវុធហត្ថក្រុងដើម្បីសួរនាំតាមនីតិវិធី។ លោកវរសេនីយត្រី៍ នួន នីណារ៉ូ បានឱ្យដឹងថា ក្រោយឃាត់ខ្លួន និងសួរនាំរួច ជនសង្ស័យបានឆ្លើ​យសារភាពថា ខ្លួនពិត​ជាបានទិញគ្រឿងញៀនមកលក់ផង និងប្រើប្រាស់ដោយខ្លួនឯងផង។ ដោយផ្អែក​លេីចម្លេីយសារភាព និងមានវត្ថុតាងជាក់ស្តែង កម្លាំងមូលដ្ឋាន​កងរាជអាវុធហត្ថ​ក្រុងកសាងសំណុំរឿង​បញ្ជូនទៅកាន់បញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី។ លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ […]

ព័ត៌មានជាតិ

ឯកឧត្តមអភិសន្តិបណ្ឌិត ស សុខា ប្រកាសផ្តល់អាវភ្លៀង ១ម៉ឺនឈុត ដល់មន្ត្រីនគរបា​លចរាចរណ៍ និងមន្ត្រីជាប់​កិច្ចសន្យា និងផ្ដល់គោ​លការណ៍ណែនាំមួយចំនួន

ពីពិធីសំណេះ​សំណាលជាមួយមន្ត្រីអនុវត្តច្បាប់ស្តីពីចរា​ចរណ៍ផ្លូវគោក នៅព្រឹកថ្ងៃទី១៨ ខែកក្កដា ឆ្នាំ២០២៤ នេះ ឯកឧត្តម​អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានប្រកា​សផ្តល់អាវភ្លៀវ ចំនួន ​១ម៉ឺនឈុត ដល់មន្ត្រីនគរបាល​ចរាចរណ៍ និងមន្ត្រីជាប់កិច្ច​សន្យាសម្រួលច​រាចរណ៍ទូទាំងប្រទេស ដើម្បីប្រើប្រាស់ពេលបំពេញភារកិច្ចការងារអនុវត្តច្បាប់ និងសម្រួល​ចរាចរណ៍ជូនប្រជាជននារដូវភ្លៀងវស្សា។ ក្នុងពិធីសំណេះសំណា​លប្រារព្ធនៅទីស្តីការក្រសួងមហាផ្ទៃ ឯកឧត្តម​អភិសន្តិបណ្ឌិត ស សុខា ក៏បាន​ណែនាំមន្ត្រីនគរបាល​ចរាចរណ៍ត្រូវពង្រឹងសមត្ថភាព ក្រមសីលធម៌ មនសិកាវិជ្ជាជីវៈ វិន័យ​កងកម្លាំង ការប្រើប្រាស់​ឯកសណ្ឋាន ការប្រើប្រាស់​ពាក្យពេច​ន៍និយាយស្តី អាកប្បកិរិយា ការគោរ​ពច្បាប់ច​រាចរណ៍ផ្លូវគោ​ក ជាពិ​សេសគឺកា​រប្រើប្រាស់ពាក្យ​សំដីជាមួយប្រជាពលរដ្ឋ ប្រសិនបើអ្នកបើ​កបរគ្មា​នល្មើស ហាម​ហៅត្រួត​ពិនិត្យនៅពេ​លចុះអនុវត្តច្បាប់ច​រាចរណ៍ ដើម្បីកុំធ្វើឱ្យមា​នការរំខាន​ដល់អ្នកធ្វើដំណើរ ប្រជា​ពលរដ្ឋ មានអារម្មណ៍​ថ្នាំងថ្នាក់ ចំពោះកម្លាំងមានសមត្ថកិច្ច និងថ្នាក់ដឹ​កនាំ។ បន្ថែម​លើសពីនេះ ឯកឧត្តមអភិសន្តិបណ្ឌិត ក៏បានប​ន្តណែនាំឱ្យនគរ​បាលចរាចរណ៍ទាំងអស់ ត្រូវពង្រឹង​ប្រសិទ្ធភាពនី​តិវិធីកា​រងារដោះស្រាយគ្រោះថ្នាក់ចរាចរណ៍ ត្រូវពិនិត្យឱ្យ​បានគ្រប់ជ្រុង​ជ្រោយចំពោះហេតុ​ការណ៍ ដែលបានកើតឡើង ស្វែងរ​កសាក្សី ធ្វើកំណត់ហេតុ របាយការណ៍ និងធ្វើការ​សន្និដ្ឋានរកមូលហេតុបង្កឱ្យបា​នច្បាស់លាស់ ដោយផ្អែកលើវិធានការជំនាញ និងវិធា​នការច្បាប់ មុននឹងបញ្ជូនសំណុំរឿងទៅតុលាការ ដើម្បីបន្តនីតិវិធី។ ឯកឧត្តមអភិស​ន្តិបណ្ឌិត ស សុខា បានកោតស​រសើរមន្ត្រីអនុវត្តច្បាប់ស្តីពីចរាចរណ៍ផ្លូវគោក […]

ព័ត៌មានជាតិ

ខេត្តប៉ៃលិន ដាំដើមឈើចម្រុះ ២ពាន់ដើម ដើម្បីអបអរសាទរ រុក្ខទិវា ៩ កក្កដា

(ប៉ៃលិន)៖ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន រួមជាមួយ ឯក​ឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោក លោកស្រី ប្រធានមន្ទីរអង្គភាព​ជុំវិញខេត្ត កងកម្លាំងទាំង ៣ប្រភេទ លោកអភិបាល ក្រុង ស្រុក យុវជន សស​យក ខេត្ត លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ នៅព្រឹកថ្ងៃទី១៨ ខែកក្កដា ឆ្នាំ២០២៤ បាន​អញ្ជើញចូលរួមដាំដើម​ឈើចម្រុះ នៅអម​សងខាងផ្លូវ ទៅកាន់តំប​ន់រមណីយដ្ឋានធម្ម​ជាតិទឹក​ធ្លាក់​ភ្នំខៀវអូរតាវ៉ៅ ស្ថិតក្នុងភូមិខ្លុង សង្កាត់អូរតាវ៉ៅ ក្រុងប៉ៃលិន ដើម្បីអបអរសាទរ រុក្ខទិវា ៩ កក្កដា ។ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាស​ន៍ឱ្យដឹងថា៖ ទិវាដាំដើមឈើ គឺជាប្រពៃណីជាតិ និងជាវប្បធម៌ដ៏ឧត្តុងឧត្តម កើតមានតាំងតែពី​ឆ្នាំ១៩៥២ ក្រោមព្រះរាជកិច្ច ដឹកនាំរបស់មហាវីរក្សត្រ ព្រះបរមរតនកោដ្ឋ […]

ព័ត៌មានជាតិ

ឯកឧត្តមអភិសន្តិបណ្ឌិត ស សុខា ៖ ក្រសួងមហាផ្ទៃ នឹងកំណត់កម្រិតកម្ពស់ថ្មី សម្រាប់​បេក្ខជន​ប្រឡងចូ​លក្របខ័ណ្ឌនគរបាលជាតិ ចាប់ពីឆ្នាំ២០២៥ តទៅ

(ខេត្តព្រៃវែង)៖ក្រសួងមហាផ្ទៃ នឹងកំណត់ជាថ្មីនូវ​កម្រិតកម្ពស់បេក្ខជនទាំងពីរភេទ ដែលមានបំ​ណង​ប្រឡងយកក្របខ័ណ្ឌមន្ត្រីនគ​របាលជាតិ ចាប់ពីឆ្នាំ២០២៥ តទៅ។ នេះបើតាម​ការថ្លែងឱ្យ​ដឹងពីឯ​កឧត្តមអ​ភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងពិធី​បិទវគ្គបណ្ដុះ​បណ្ដាលជំនាញរដ្ឋបា​លលើកុំព្យូទ័រ កាត់តវីដេអូលើទូរសព្ទដៃ និងកុំព្យូទ័រ ជំនាន់ទី១ និងបើ​កវគ្គជំនាន់ទី២ របស់ក្រុមការ​ងារយុវជនខេត្តព្រៃវែង នារសៀលថ្ងៃទី១៧ ខែកក្កដា ឆ្នាំ២០២​៤។ ពីវេទិកាអធិបតី ដែលមានសិក្ខាកាមជ័យលាភីភាគច្រើនជាសិស្ស និងនិស្សិតក្នុងខេត្តព្រៃវែង ជិត ៤០០នាក់ ឯកឧត្តមអភិសន្តិបណ្ឌិត ស សុខា បានមានប្រសាសន៍ថា សម្រាប់បេក្ខជនប្រឡងជ្រើស​រើសនគរបាលជាតិ បេក្ខជនជាបុរសត្រូវមានកម្ពស់ចាប់ពី ១.៧០ម៉ែត្រ ឡើងទៅ ចំណែកបេក្ខជន ជាស្ត្រីត្រូវ​មានកម្ពស់ចាប់ពី ១.៦៥ម៉ែត្រ ឡើងទៅ។ បើតាមឯកឧត្តមអភិសន្តិបណ្ឌិត ស សុខា ទន្ទឹមនឹងការកម្រិតកម្ពស់ថ្មីលើបេក្ខជនទាំងពីរភេទ ក្រសួងម​ហាផ្ទៃ ក៏បានរៀបចំរួចជាស្រេចហើយដែរនូវលិខិតបទដ្ឋាន និងយន្តការគណៈកម្មការ ដើម្បីត្រៀម​អនុវត្តការប្រឡងជ្រើសរើសមន្ត្រីនគរបាល តាមគោលការណ៍ថ្មីប្រកបដោយតម្លាភាព និងចំគោលដៅ ក្នុងនោះក៏រួមទាំងការផ្ដល់អាទិភាដល់បេក្ខជនគ្រប់លក្ខណៈសម្បត្តិ និងមានស​មត្ថភាពទាំងឡាយណាដែលមានទីលំនៅក្នុងមូលដ្ឋាន មានតម្រូវការក្របខណ្ឌនោះផ្ទាល់តែម្ដង។ ភ្ជាប់នឹងជ័យលា​ភីទាំង ៣៧៨អង្គ/នាក់ ដែលទទួលការបណ្ដុះបណ្ដាលជំនាញរដ្ឋបាល និងផលិត​វីដេអូតាមទូរសព្ទ និងកុំព្យូទ័រ ឯកឧត្តមអភិសន្តិបណ្ឌិត […]

ព័ត៌មានជាតិ

ព្រះសង្ឃ និងពុទ្ធបរិស័ទ មកពីប្រទេសថៃ នាំយកទៀនព្រះវស្សា និងបច្ច័យប្រគេន​ដល់វត្ត​នៅប្រទេ​សកម្ពុជាចំនួន​៦០វត្ត ក្នុង៥ខេត្ត

ប៉ៃលិន ៖ ព្រះសង្ឃ និងពុទ្ធបរិស័ទមកពីប្រទេ​សថៃនិងពុទ្ធបរិស័ទចំណុះ​ជើងវត្តជិ​តឆ្ងាយបា​ននាំ​យក​ទៀនព្រះវស្សា និងបច្ច័យមកវេរប្រគេនដល់ព្រះសង្ឃ​គង់នៅវត្តនានា​នៅប្រទេស​កម្ពុជាដែលមា​នវត្តនៅខេត្ត​ប៉ៃលិន–បាត់ដំបង–ខេត្តបន្ទាយមានជ័យ –ពោធិសាត់និងខេត្តសៀមរាប នៅថ្ងៃទី១៧ ខែកក្តដា ឆ្នាំ២០២៤នៅវត្តប៉ាហ៊ីខេត្តប៉ៃលិន ដែលមានការ​ចូលរួមពីលោកជំ​ទាវមហាឧ​បាសិកាពុទ្ធ​សាសនូត្ថម្ភ ស៊ុ ហៀង , ពុទ្ធបរិស័ទ មន្ត្រីសង្ឃ យ៉ាងច្រើនកុះករ។ ព្រះសោភ័ណរតនៈវេទី អ៊ា សុផន ព្រះមេគណខេត្ត និងជាព្រះចៅអធិកាវត្ត​ពោធិមា​រាម(ហៅវត្តប៉ា​ហ៊ី) បានមានថេរៈដិកាថា ទំនៀមទំលាប់ក្នុងសង្គមខ្មែរព្រះសង្ឃតែងនិមន្ត“ចូល​ព្រះ​វស្សា ”​ឬ “គង់​ចាំព្រះវ​ស្សា ​” រយៈ​ពេលបីខែដោយ​កំណត់ពីថ្ងៃ១រោច ខែអាសាឍ(ក្នុងខែកក្កដា) ដល់ថ្ងៃ១៥កើត ខែអស្សុជ(ក្នុងខែតុលា)។ ទំនៀមទំលាប់នេះ បានជាប់ជាប្រពៃណី​ប្រតិបត្តិរៀងរហូតមកហើ​យទាំងព្រះមហា​ក្សត្ររហូតដល់រាស្ត្រទូ​ទៅតែងទំនុកប​ម្រុងគ្រឿងបរិក្ខាបូ​ជាផ្សេងៗចំពោះ​ព្រះ​សង្ឃដែ​លគង់ចាំព្រះវស្សា ដើម្បីបា​នអានិសង្ឃដល់ជាតិមុខ។ ក្នុងបណ្តាគ្រឿងបូជាទាំងនោះគេឃើញមាន “ទៀនវស្សា ​” ជាវត្ថុសំខាន់ដែលពុំមានជា​បញ្ញត្តិក្នុងគម្ពី​រពុទ្ធសាសនា តែខ្មែរប្រតិប​ត្តិជាទំនៀមដល់សព្វថ្ងៃ។ ព្រះគ្រូមេ​គណខេត្ត​បន្តថា ការដុតទៀន ឬប្រទី​បសម្រាប់ថ្ងៃ​ចូលព្រះវស្សា គឺជាប្រយោជ​ន៍ដល់ព្រះភិក្ខុសង្ឃដែល​ចាំបាច់ត្រូវស្វាធ្យាយធម៌ និងធ្វើឧ​បោស​ថ​កម្មនៅវេលាយប់ ក្នុងពេលចូ​លព្រះវស្សា។ ហើយពន្លឺភ្លើង​ដែលដុតក្នុង​ពេលចូលព្រះ​វស្សានេះ ក៏ស្ថិតក្នុងកា​រពិចារណា ដល់ពន្លឺភ្លើងដែលភ្លឹបភ្លែតៗ ទៅដល់រូបខណ្ឌ​មនុស្សដែលកើត​ស្លាប់នោះផងដែរ។ លោកជំទាវ ផនសាន់ កំលាំងឯក ដែលជាតំណា​ងវត្តធម្មកាយនៅប្រទេ​សថៃបា​នផ្តួចផ្តើមដឹកនាំ​ពុទ្ធិបរិស័ទនាំយកទានព្រះ​វស្សា និងបច្ច័យមួយចំនួនធំ ក្នុងគោលបំណងសំខាន់ គឺដើម្បីពង្រី​កអាយុយឺនយូរនៃព្រះពុទ្ធសាសនាក្នុងជំនាន់នេះឱ្យបានច្រើនតាមតែអាចធ្វើទៅបាន […]

ព័ត៌មានជាតិ

កងរាជអាវុធហត្ថខេត្តបន្ទាយមានជ័យ បញ្ជូនខ្លួនជនជាតិវៀតណាមម្នាក់ និងជនជាតិចិនម្នាក់ ទៅតុលាការពាក់ព័ន្ធករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន

(បន្ទាយមានជ័យ )៖ក្រោយពីទទួល​បានព័ត៌មានពីសន្តិសុខថា មានករណីលក់គ្រឿងញៀន​នៅចំ​ណុចកា​សុីណូនាគទិព្ធ ស្ថិតក្នុងភូមិ​ក្បាលស្ពាន១ សង្កាត់អូរជ្រៅ ក្រុងប៉ោយប៉ែត នៅវេលា​ម៉ោង០​០និ​ង៣០នាទី ថ្ងៃទី១៦ ខែកក្កដា ឆ្នាំ២០២៤ លោក វរសេនីយ៍ត្រី នួន នីណារ៉ូ មេបញ្ជាការមូ​លដ្ឋានក​ងរាជអាវុធហត្ថក្រុង​ប៉ោយប៉ែត បានដឹកនាំកម្លាំង ចុះដល់​ចំណុចកើត​ហេតុ​បានធ្វើការ​ឃាត់ខ្លួន​ជនសង្ស័យ​បានចំនួន០២នាក់ ១–ឈ្មោះ ធី អ៊ុកលឺម ហៅ រិ ​ភេទស្រី អាយុ២៤ឆ្នាំ (ជនជាតិវៀ​តណាម) មុខរបរអ្នក​បកប្រែ បច្ចុប្បន្ន​ស្នាក់នៅភូមិគីឡូម៉ែត្រលេខ៤ សង្កាត់ផ្សារកណ្តាល  ក្រុង​ប៉ោយប៉ែត(ជួញដូរ និងប្រើប្រាស់), ២–ឈ្មោះ ឈិន ជូជូ ភេទប្រុស អាយុ២៩ឆ្នាំ ជនជាតិចិន មុខរ​បរមិ​នពិតប្រាកដ បច្ចុប្បន្នស្នាក់នៅភូមិគីឡូម៉ែត្រលេខ៤ សង្កាត់ផ្សារកណ្តាល  ក្រុងប៉ោយប៉ែត(​ជួញដូរ រក្សាទុក និងប្រើប្រាស់)។ ក្នុងប្រតិបត្តិការនោះកម្លាំងបានចា​ប់យកវត្ថុតាងរួមមា​ន៖ គ្រឿងញៀនប្រភេទម្ស៉ៅម៉ត់ពណ៌ស (កេតា​មីន) ចំនួន០៨ថង់កិប ស្មើនឹងទម្ងន់១៦៨,១០ក្រាម, កញ្ចប់ម្ស៉ៅរូបតុក្កតាឆ្មារពណ៌ផ្ទៃមេឃ (អ៊ិចស្តាស៊ី) ចំនួន១កញ្ចប់ ទម្ងន់ ៧០៨,៨០ក្រាម, កញ្ចប់ម្ស៉ៅរូបផ្លែស្ត្របឺរីពណ៌ខៀវ (អ៊ិចស្តាស៊ី) ចំនួន […]

ព័ត៌មានជាតិ

រដ្ឋបាលខេត្តប៉ៃលិន​ សម្រេចរុះរើ​សំណង់របស់រដ្ឋ អតីតមណ្ឌល​ចត្តាឡីស័ក​មួយកន្លែង​នៅស្រុកសា​ក្រៅ

(ប៉ៃលិន) កាលពីប៉ុន្មានឆ្នាំមុ​នរដ្ឋបាលខេត្តប៉ៃលិន​បានរៀបចំកសាងម​ណ្ឌលចត្តាឡីស័ក​ជាច្រើ​នកន្លែង​ កន្លែងខ្លះធ្វើនៅតា​មសាលារៀននិ​ងកន្លែងខ្លះ​ទៀតកសា​ងនៅសៃ​ឡូទិញក​សិផលដែ​លទុកទំនេរ នេះជាការយកចិត្តទុ​កដាក់ពីរាជរដ្ឋាភិ​បាល ដើម្បីបញ្ជៀសបញ្ហាជម្ងឺកូវិដ​១៩ បានដោយជោគជ័យ ក្រោយពីបញ្ចប់មណ្ឌល​ចត្តាឡីស័កខ្លះក៏បានរុះរើរួចរាល់ហើយ ចំណែក​កន្លែងខ្លះក៏​មិនទាន់រុះរើ​នៅឡើយជាក់ស្តែង នៅរសៀលថ្ងៃទី១៦ខែកក្កដាឆ្នាំ២០២៤។លោក​ជំទាវ បាន ស្រីមុំ អភិ​បាលខេត្តប៉ៃលិន និងឯ​កឧត្តម ជា ចាន់ឌិន ប្រធានក្រុមប្រឹក្សាខេត្ត បានអញ្ជើញ​ចូលរួមកិច្ចប្រ​ជុំស្តីពី ការរុះរើសំណង់របស់រដ្ឋនៅអតីត​មណ្ឌលចត្តាឡីស័កអតីតសៃឡូ លោក ម៉ៅ ស្ថិតនៅឃុំអូរអណ្តូង ស្រុកសាលាក្រៅ ខេត្តប៉ៃលិន ដើម្បីទុកជាសម្បត្តិរដ្ឋសំ​រាប់បំរើពលរដ្ឋទូទៅ​ក្នុង​ខេត្តប៉ៃលិនបន្តទៀត៕

ព័ត៌មានជាតិ

រដ្ឋមន្រ្តី​ក្រសួង​អប់រំ យុវជន និង​កីឡា អញ្ជើញជួបសំ​ណេះសំណាលជាមួយ បុគ្គលិកអប់រំ​នៃមន្ទីរអ​ប់រំ​យុវជននិង​កីឡាខេត្តបន្ទាយមា​នជ័យ

(ខេត្តបន្ទាយមានជ័យ) ៖មន្ទីរអប់​រំយុវជនកីឡាខេត្តបន្ទាយមានជ័យ បានរៀបចំពិធី​សំណេះសំណា​ល ជាមួយ បុគ្គលិក​អប់រំនៃ​មន្ទីរអប់រំ យុវជន និងកីឡាខេត្ត ក្រោមអធិបតី​ ឯកឧត្តម បណ្ឌិតសភា​ចារ្យ ហង់ជួន ណារ៉ុន រដ្ឋមន្រ្តី​ក្រសួង​អប់រំ យុវជន និង​កីឡា ឯកឧត្តម អ៊ុំ រាត្រី អភិបាលខេត្តបន្ទាយ​មានជ័យ គណ:ប្រតិភូក្រសួង លោក ឈួ ប៊ុន រឿង ប្រធានមន្ទីរអ​ប់រំយុវជន និងកីឡាខេត្ត និងមាន​កា​រចូលរួមពី​លោកគ្រូ អ្នកគ្រូ ប្រមាណ ៣០០នាក់ នៅ​សាលប្រជុំ​(ធំ)មន្ទីរអប់​រំយុវជនកី​ឡាខេត្ត​នារសៀលថ្ងៃទី១៦ ខែកក្ក​ដា ឆ្នាំ២០២៤។ លោក ឈួ ប៊ុនរឿង បានមានប្រសាសន៍ថា តាមរបាយការណ៍សង្ខេប អំពីសមិទ្ធិផលស​ម្រេចបានក្នុងវិស័យ​អប់រំក្នុងបច្ចុប្បន្នមាន៖ ១.គ្រឹះស្ថានសិ​ក្សាសាធារណៈទូទៅក្នុងខេត្តមានចំនួន ៨២១កន្លែង ២.គ្រឹះស្ថានសិ​ក្សាឯកជនចំ​ណេះទូទៅ មានចំនួន ១៥៨កន្លែង ៣.មានវិទ្យាល័យចំណេះទូទៅនិងបច្ចេកទេសមានចំនួន២កន្លែង ៤.គ្រឹះស្ថាន​ឧត្តមសិក្សាទូទាំងខេត្តមានចំនួន៤កន្លែង និង វិទ្យាស្ថានពហុបច្ចេកទេសខេត្ត ។ លោកបានបញ្ជាក់បន្តទៀតថា គិតមកត្រឹមខែកក្កដា ឆ្នាំ ២០២៤នេះស​ម្តេចតេជោ​ ហ៊ុន សែន […]

ព័ត៌មានជាតិ

អាវុធហត្ថ បញ្ជូនខ្លួនយុវជនម្នាក់ទៅតុលាការ ពាក់ព័ន្ធករណីលួ​ចម៉ូតូ ​​និងប្រើ​​ប្រាស់​ដោយខុស​ច្បាប់នូវ​សារធាតុញៀន

(បន្ទាយមានជ័យ)៖លោកវរសេនីយ៍ត្រី នួន នីណារ៉ូ មេបញ្ជាការ​មូលដ្ឋានកងរាជអាវុធហត្ថក្រុង​ប៉ោយប៉ែតបានដឹកនាំកម្លាំងចុះស្រាវជ្រាវនឹ​ងឃាត់ខ្លួន​ជនសង្ស័យឈ្មោះ អ៊ុន សារ៉ាត់ ហៅក្រៅ បារាំង ភេទប្រុស អាយុ១៧ឆ្នាំ ជនជាតិខ្មែរ ទីលំនៅបច្ចុប្បន្នភូមិបាលិលេយ្យ១ សង្កាត់/ក្រុងប៉ោយ​ប៉ែត ពាក់ព័ន្ធក​រណីលួចម៉ូតូ និងប្រើប្រា​ស់ដោយខុសច្បាប់នូវសារធាតុញៀន ដែលបាន​ប្រព្រឹត្តកា​លពីថ្ងៃទី០៧ ខែកក្កដា ​ឆ្នាំ២០២៤ វេលាម៉ោង​១៩ និង០០នាទី  នៅចំណុ​ចចំណតម៉ូតូ​កាស៊ីណូ​ក្រោន ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ការឃា​ត់ខ្លួននេះធ្វើឡើង​តាមពាក្យបណ្តឹងរបស់ជន​រងគ្រោះឈ្មោះ ឈឿន ឈុនណា ភេទប្រុស អាយុ៣​៥ឆ្នាំ ស្នាក់នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ។ លោកវរសេនីយ៍ត្រី នួន នីណារ៉ូ បានឱ្យដឹងថា  ជនរងគ្រោះជាបុគ្គលិកប​ម្រើការងារនៅកា​ស៊ីណូ​ក្រោន ដោយ​ខាងក្រុមហ៊ុ​នបានប្រគល់ម៉ូតូម៉ាក​ហុងដា ហ្សូម័រអ៊ិច ព​ណ៌ផ្ទៃមេឃ ផលិតឆ្នាំ២០១៦ ពាក់ផ្លាក​លេខបាត់ដំបង ១W-០៤៥៥ ឱ្យបុគ្គលិក​ដែលធ្វើកា​រនៅទីនេះ ជាជនជាតិចិន ប្រើប្រាស់​ដោ​យមានបុគ្គលិ​កកិបសំបុត្រយាន​ជំនិះ គឺយាមនៅ​ពេលយ​ប់ត្រួតពិ​និត្យរាល់បុគ្គ​លិកចេញចូល​ដែលមានយា​នជំនិះវេនពេលយប់។ នៅវេ​លាកេីតហេតុបុគ្គលិ​កជនជាតិចិនដែ​លប្រើប្រាស់​ម៉ូតូខាងលើ បានម​ករកម៉ូតូស្រាប់​តែបាត់មិ​នឃើញ ហើយ​បានឆែកកាមេរ៉ាសុវត្ថិភាព ឃើញជន​សង្ស័យ មិន​មែនជាបុគ្គលិ​កបម្រើការនៅទីនោះ ធ្វើសកម្មភា​ពលួចយកម៉ូតូខាងលើជិះចេញទៅបាត់ លោកវរសេនីយ៍ត្រី […]

ព័ត៌មានជាតិ

កិច្ចប្រជុំគណៈបញ្ជាការឯកភាពខេត្តកណ្តាល ប្រចាំឆមាសទី១ និងទិសដៅអនុវត្តបន្ត ដើម្បីដាក់ចេញគោលការណ៍ថ្មីៗសំដៅធ្វើឱ្យបទល្មើសមានការថយចុះ និងកាត់បន្ថយគ្រោះថ្នាក់ចរាចរណ៍

ខេត្តកណ្ដាល៖ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្ត នារសៀលថ្ងៃទី១៦ ខែកក្កដា ឆ្នាំ២០២៤នេះ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល និងជាប្រធានគណបញ្ជាការឯកភាពខេត្តបានមានប្រសាន៍ថា កិច្ចការសំខាន់ដែលគណៈបញ្ជាការឯកភាពខេត្ត និងក្រុង-ស្រុកត្រូវយកចិត្តទុកដាក់គឺ បញ្ហាគ្រោះថ្នាក់ចរាចរណ៍ដែលកំពុងតែមានការកើនឡើង ហើយបញ្ហាល្បែងស៊ីសងខុសច្បាប់គ្រប់ប្រភេទ បញ្ហាគ្រឿងញៀន និងក្មេងទំនើង គឺឃើញថាគណៈបញ្ជាការឯកភាពគ្រប់ថ្នាក់ បានខិតខំធ្វើការបង្ក្រាបទទួលបានលទ្ធផលល្អ ប៉ុន្តែក៏ត្រូវតែយកចិត្តទុកដាក់បន្តតាមដាន និងចាត់វិធានការបង្ក្រាប ឱ្យកាន់តែបានល្អប្រសើរថែមទៀតផងដែរមិនត្រូវធ្វើប្រហែលជាដាច់ខាត។ ជាងនេះទៅទៀតឯកឧត្តមក៏បានធ្វើការណែនាំ ដល់គណៈបញ្ជាការរដ្ឋបាលក្រុង-ស្រុក ត្រូវរៀបចំសណ្ដាប់ធ្នាបសាធារណៈតាមដងផ្លូវ ឱ្យបានល្អប្រសើរជាប្រចាំ ត្រូវយកចិត្តទុកដាក់ខ្ពស់ក្នុងការអនុវត្តនៅវិធានការច្បាប់ចរាចរណ៍ឱ្យបានម៉ឺងម៉ាត់នៅតាមដងផ្លូវ ដោយដាក់កម្លាំងធ្វើការត្រួតពិនិត្យចរាចរណ៍នៅតាមគោលដៅសំខាន់ៗរៀងៗខ្លួន មន្ទីរអង្គភាពអង្គភាពពាក់ព័ន្ធ ត្រូវបន្តការអប់រំផ្សព្វផ្សាយឱ្យបានទូលំទូលាយដល់ស្រទាប់ប្រជាពលរដ្ឋ និងសិស្សានុសិស្ស អំពីច្បាប់ចរាចរណ៍ផ្លូវគោក សំដៅធ្វើឱ្យជាពលរដ្ឋចូលរួមគោរពច្បាប់ចរាចរណ៍ទាំងអស់គ្នា ដើម្បីរួមគ្នាកាត់បន្ថយគ្រោះថ្នាក់ចរាចរណ៍ក្នុងខេត្តកណ្ដាលឱ្យមានការថយចុះ។ ទន្ទឹមនោះឯកឧត្តម ក៏បានធ្វើការរំលឹកទៅដល់គណៈបញ្ជាការក្រុង-ស្រុក ត្រូវទទួលយកនូវរាល់បណ្ដឹងផ្សេងៗ របស់ប្រជាពលរដ្ឋ ទោះករណីក្រៅ ឬលើសដែនសមត្ថកិច្ចខ្លួនក៏ដោយ ក៏ត្រូវជួយសម្រប់សម្រួលពួកគាត់ ផ្តល់ភាពកក់ក្ដៅជូនប្រជាពលរដ្ឋ។ ជាងនេះ ទៅទៀតត្រូវពិនិត្យ និងពង្រឹងតួនាទីរបស់ខ្លួន ត្រូវខិតខំអនុវត្តតាមតួនាទី និងភារវកិច្ចរបស់ខ្លួនដែលក្រសួងមហាផ្ទៃបានកំណត់ឱ្យបានល្អ និងទទួលខុសត្រូវខ្ពស់ ទាំងកងកម្លាំង និរដ្ឋបាលក្រុង-ស្រុក ត្រូវតែសហការគ្នាស្អិតរមួត ធ្វើយ៉ាងណាខិតខំរក្សាឱ្យបាននូវសន្តិសុខសណ្ដាប់ធ្នាប់សាធារណៈជូនប្រជាពលរដ្ឋក្នុងមូលដ្ឋានខ្លួនឱ្យល្អប្រសើរ៕