ថ្ងៃទី១៦ ខែមិថុនា ឆ្នាំ២០៥០
គេហទំព័រកំពុងសាកល្បង
លោកជំទាវ បាន ស្រីមុំ អញ្ជើញជាអធិបតី ក្នុងពិធីប្រកាសសមាសភាពប្រធានក្រុមប្រឹក្សា ឃុំជំ​ទប់ទី១ ទី២ ឃុំស្ទឹងត្រង់ អាណត្តិទី៥ ឆ្នាំ២០២២
Fri,08 July 2022 (Time 10:57 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 448នាក់)


(ប៉ៃលិន)៖លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន នៅរសៀលថ្ងៃទី០៨ ខែ​កក្កដា ឆ្នាំ២០២២ បានអញ្ជើញជា​អធិបតី ក្នុងពិធីប្រកាស​សមាសភាពប្រធានក្រុមប្រឹក្សា ឃុំជំ​ទប់ទី១ ទី២ ឃុំស្ទឹងត្រង់ អាណត្តិទី៥ ឆ្នាំ២០២២ ។ដែល​ពិធី​នេះធ្វើឡើងនៅសាលាឃុំស្ទឹងត្រង់ ស្រុក​សាលាក្រៅ ដោយមានការចូលរួមពីសំណាក់ ឯកឧត្តមអ្នកតំណាងរាស្ត្រ លោកនាយក​រងរដ្ឋបាលសា​លាខេត្ត នាយកទីចាត់ការធនធានមនុស្ស ប្រធានក្រុមប្រឹក្សាស្រុក អាជ្ញាធរស្រុក មន្ត្រីពាក់ព័ន្ធ យុវជនសសយក និងបងប្អូនប្រជាពលយ៉ាងច្រើនកុះករ។

មានប្រសាសន៍ផ្តាំផ្ញើ ទៅកាន់ក្រុ​មប្រឹក្សាឃុំថ្មី នាឱកាសនោះ លោកជំទាវអភិបាលខេត្ត បាន​សង្កត់ធ្ងន់ថា ឃុំស្ទឹ​ងត្រង់ មានសមាជិកក្រុមប្រឹក្សាមកពីគណបក្សចំនួនពីរ គឺគណបក្សប្រជាជ​នកម្ពុជា គណបក្សភ្លើងទៀន ក៏សមាជិកក្រុម​ប្រឹក្សាឃុំថ្មីគ្រប់រូបត្រូវប្រកាន់គោលជំហរ សាមគ្គីភាព និងឯកភាពជាតិ ដោយត្រូវរួមគ្នាខិតខំបម្រើ​សេវាជូនប្រជាពលរដ្ឋឲ្យល្អប្រសើរ និងបន្តកសាង​អភិវឌ្ឍន៍​នៅមូលដ្ឋានឲ្យកាន់តែរីកចម្រើនជឿនលឿនទ្វេរឡើង ជាពិសេសដើម្បីបំពេញ​ទៅតាមត​ម្រូវ​ការរប​ស់ប្រជាពលរដ្ឋដែលជាម្ចាស់ឆ្នោត ប្រកបដោយលទ្ធិប្រជាតេយ្យ សំដៅចូលរួមចំណែ​កកាត់​បន្ថយ​ភាពក្រីក្រ ស្របតាមគោលនយោបាយដ៏ត្រឹមត្រូវ របស់រាជរដ្ឋាភិបាលកម្ពុជា ដែលមាន​សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោកជំទា​វអភិបាលខេត្ត បានថ្លែងបន្តថា ដើម្បីធានា​បាននូវការផ្ដល់សេវានានាក្នុងមូលដ្ឋាន បញ្ហាគន្លឹះសំ​ខាន់គឺការបំពេញតួនាទី ភារកិច្ចរបស់តួអង្គស្នូលចំនួន៥គឺ៖ទី១៖ មេឃុំ ចៅសង្កាត់,ទី២៖ ស្មៀន​ឃុំ សង្កាត់ ,ទី៣៖ ប៉ុស្តិ៍នគរ​បាលរដ្ឋបាលឃុំ សង្កាត់ ,ទី៤៖ មណ្ឌល​សុខភាព ឬប៉ុស្តិ៍សុខភាព ,ទី៥៖ មេភូមិ​ អនុភូមិ ។

លោកជំទាវ បានសង្កត់ធ្ងន់លើការ​ចុះហត្ថលេ​ខាឯកសារដីធ្លី ត្រូវពិនិត្យស្រាវជ្រាវ សួរនាំអោ​យច្បាស់លា​ស់ទៅមន្ត្រីជំនាញ ដើម្បីចៀសវា​ងការជាន់ដីកម្មសិទ្ធគ្នា​ ដីកម្មសិទ្ធរបស់រដ្ឋ នាំអោ​យមានទំនាស់ បង្ករជាអំពើហឹង្សា និងការប្តឹងផ្តល់ទៅដល់តុលាការ នាំអោយមា​នការខាតបង់​ពេលវេលា និងប្រាក់កាស ។ ពិសេសស្មៀន ត្រូវផ្តល់សេវាជូនប្រជា​ពលរដ្ឋដោយសំដីសុ​ភាពរា​បសារ និងជួយ​សម្រួលរាល់ឯកសារអោយបានលឿន ត្រូវប្រាប់មូល​ហេតុអោយច្បាស់​រាល់ការយឺត​យ៉ាវឯកសារនានា ត្រូវបង្ក្រាបអោ​យបានរាល់បទល្មើសនានា បញ្ហាគ្រឿងញៀន ក្មេងទំនើង បញ្ហា​គ្រោះថ្នាក់ចរាចរ ទប់ស្កាត់រាល់អំពើអាណាចារ ជួញដូរមនុស្ស ស្ត្រីនិងកុមារ ទប់ស្កាត់អំពើហឹង្សា​ក្នុងគ្រួសារ អនាម័យ មានសោភ័​ណភាព បរិស្ថានល្អ ក្នុងភូមិ ឃុំ ហើយក្នុងពេលនេះដែរលោកជំទាវ បានណែនាំ​ដល់ក្រុមប្រឹក្សាអាណត្តិថ្មី ត្រូវចុះពិនត្យមើលដំណាំកសិកម្មប្រជាពលរដ្ឋ ដែលកំពុងរ​ងការ​បំផ្លិចបំផ្លាញពីដង្កូវ និងធ្វើការដោះស្រាយកំចាត់អោយបានទាន់ពេលវេលា ដោយមិនត្រូវមាន​ការរើសអើង ការបែងចែកបក្សពួក គ្រួសារនិយម និងនិន្នាការនយោបាយឡើយ ។

សូមជម្រាបជូនថា ដំណ់រការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលប្រព្រឹត្តិទៅថ្ងៃទី៥ ខែមិថុនា កន្លងទៅនេះ ជាលទ្ធផលក្នុងឃុំស្ទឹងត្រង់ មានអាសនៈសរុប ចំនួន០៧ មកពីគណបក្សនយោបាយចំនួន០២ គឺគណបក្សប្រជាជនកម្ពុជា មាន០៦អាសនៈ ដោយទទួលបានតំណែងជាប្រធានក្រុមប្រឹក្សាឃុំ ជាមេឃុំ ជំទប់ទី១ និងសមាជិកក្រុមប្រឹក្សា ចំនួន០៤អាសនៈ ជំទប់ទី២ មកពីគណបក្សភ្លើងទៀន៕

ព័ត៌មានគួរចាប់អារម្មណ៍

បញ្ជូនខ្លួនជនសង្ស័យម្នាក់ ទៅតុលាការ ពាក់ព័ន្ធករណីគ្រឿង​ញៀន នៅក្រុងប៉ោយប៉ែត (ឆន្ទៈកូនខ្មែរ)

ព័ត៌មានគួរចាប់អារម្មណ៍

បិទសន្និបា​តបូកសរុបលទ្ធផលការងា​រអប់រំ យុវជន និងកីឡា ខេត្តកណ្តាល ឆ្នាំ២០២២-២០២៣ និងលើកទិ​សដៅកា​រងារឆ្នាំ២០២៣-២០២៤ (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកឧកញ៉ា ​ហង្ស សុីផា និ​ងលោ​កជំទាវ ឧបត្ថម្ភ​ដោយគូសគំ​នូសសញ្ញា​ចរាចរណ៍ និងជួសជុលផ្លូវសរុ​ប៥០​០ម៉ែត្រ នៅក្នុង​ក្រុងសិ​រីសោភ័ណ (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោក នុត ពុធដារ៉ា ជំរុញ​ឲ្យអាជ្ញាធរក្រុងតា​ខ្មៅ ត្រូវចុះ​ពិនិត្យនៅតាមខ្នងផ្ទះរបស់ប្រជាពលរដ្ឋ សាលាក្រុង មណ្ឌលសុខភាព សាលារៀន វត្តអារ៉ាម ការ៉ាសសាំង អាហារដ្ឋាន ប៉ុស្តិ៍ន​គរបាល​រដ្ឋបាល​សង្កាត់ និង​សាលា​សង្កាត់ ជាដើម ត្រូវមា​នបង្គ​ន់អ​នាម័​យ​ប្រើ​ប្រាស់​បា​ន​ត្រឹម​ត្រូវ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពិធី​បិទម​ហាសន្និបា​ត មន្រ្ដី​សង្ឃប្រចាំឆ្នាំ​លើកទី៣​១ ក្រោមអ​ធិប​តីភាពដ៏ខ្ពង់ខ្ពស់ សម្តេច​អភិសិរី​សុគ​ន្ធាម​ហា​សង្ឃរា​ជាធិ​ប​តីកិត្តិ​ឧទ្ទេស​បណ្ឌិត បួរ គ្រី ​សម្តេច​ព្រះម​ហាសង្ឃរា​ជ នៃគ​ណៈធម្មយុត្តិ​កនិកាយ​ នៃព្រះរាជាណា​ចក្រកម្ពុជា ​និង​ជាព្រះប្រធា​នអគ្គនាយ​ក​នៃគ​ណៈធម្មយុត្តិកនិ​កាយ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
4304 នាក់
ម្សិលមិញ :
8507 នាក់
សប្តាហ៍នេះ :
118564 នាក់
ខែនេះ :
446423 នាក់
3 ខែនេះ :
1288134 នាក់
សរុប :
18312752 នាក់