ថ្ងៃទី៣០ ខែកញ្ញា ឆ្នាំ២០៥០
គេហទំព័រកំពុងសាកល្បង
បុណ្យឆ្លងកុដិ​ ដងទង់ ថ្នល់បេតុង របងវត្ត និងផ្លូវគ្រោះ​ក្រហ​មក្នុងវត្តរត្តនៈ សុខសាន្ដ "អូខៃដន" ក្នុងប៉ោយប៉ែត
Thu,07 July 2022 (Time 06:12 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 106នាក់)


(បន្ទាយមានជ័យ)៖សមិទ្ធផលនានាជាច្រើនក្នុងបរិវេណវត្តរត្តនៈសុខសាន្ត(ហៅវត្តអូរខៃដន) ស្ថិត​នៅភូមិសុខសាន្ត សង្កាត់​និមិត្ត ក្រុងប៉ោយប៉ែត ខេត្តបន្ទាយមានជ័យ រួមមានកុដិ ដងទង់ ថ្នល់បេតុង របង​វត្ត ព្រមទាំងផ្លូវ​ក្រាលគ្រោះក្រហមប្រវែង៥០០ម៉ែត្រ ត្រូវបានសម្ភោធដាក់​ឲ្យប្រើប្រាស់​ជាផ្លូ​វការនា​ព្រឹកថ្ងៃទី៧ ខែកក្កដា ឆ្នាំ២០២២ ក្រោមអ​ធិបតីភាពឯកឧត្តម ហ៊ុន ម៉ាណែត អគ្គមេ​បញ្ជាកា​ររង​ កងយុទ្ធពលខេមរៈភូមិន្ទ និងជា​មេបញ្ជា​ការកងទ័ពជើងគោក តំណាងដ៏ខ្ពង់ខ្ពស់​សម្តេច​អគ្គមហាសេនាបតីតេជោ ហ៊ុន សែន នាយករដ្ឋឋមន្ត្រីនៃព្រះរាជាណាចក្រកម្ពុជា​ និង​សម្ដេច​កិត្តិព្រឹទ្ធបណ្ឌិតប៊ុនរ៉ានី ហ៊ុន សែន ។

ឯកឧត្តម អ៊ុំ រាត្រី អភិបាលនៃគណៈអភិបាល​ខេត្តបន្ទាយមានជ័យបានមាន​ប្រសាសន៍ថា កាលពីដើ​មឡើយ​នៅតំបន់ក្បែរវត្តអូ​រខៃដននេះគឺជា​តំបន់សង្គ្រាមបង្ហូរឈាម​រវាងខ្មែរនិងខ្មែរ ដោយ​សារមាន​ការ​បែក​បាក់ខ្វះភាព​សាមគ្គី តែ​បច្ចុប្បន្ននេះ​ដោយសា​រនយោបាយឈ្នះ ឈ្នះរបស់សម្ដេចតេជោ ធ្វើ​ឲ្យ​តំបន់​នេះក្លាយជា​តំបន់អភិវឌ្ឍន៍​លើគ្រប់វិស័យ មិនថាពុទ្ធចក្រឬអាណាចក្រ ដូចយើ​ង​មើល​ឃើញស្រា​ប់នៅ​សមិទ្ធផលនានា​ដែលកំពុងធ្វើពិ​ធីបុណ្យឆ្លង ក៏ដូច​ជាសមិទ្ធ​ផលដែល​កំពុងសាង​សង់។

មានប្រសាសន៍ថ្លែងក្នុង​ពិធីបុណ្យឆ្លងសមិទ្ធផល​ផ្សេងៗនាឱកាសនេះ​ផងដែរ ឯកឧត្តម ហ៊ុន ម៉ាណែ​ត បាន​ពាំនាំប្រសា​សន៍​ផ្ដាំផ្ញើសាកសួរសុខទុក្ខ ពីសំណា​ក់សម្ដេចតេជោ ហ៊ុន សែន នាយក​រដ្ឋ​មន្ត្រីនៃព្រះរា​ជាណាចក្រកម្ពុជា និង​សម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុន សែន ប្រធានកា​កបាទក្រហ​មកម្ពុជា ជានិច្ចកាលសម្ដេចទាំ​ងពីរតែ​ងតែនឹករលឹ​កខ្វាយខ្វល់​ពីសុខទុក្ខរបស់​បងប្អូនប្រជាព​លរដ្ឋគ្រប់កាលៈ​ទេសៈ ជាពិសេសសម្ដេច​តែងតែព្រួយបារម្មណ៍ពីបញ្ហាសុខុមាលភាព នៃជំងឺឆ្លង​កូវីដ១៩ ដែ​លរយៈ​កន្លងមកបានសម្លាប់មនុស្សជា​តិខ្មែរ​យើង​ទូទាំ​ងប្រទេ​ស​ប្រមាណជាង ៣​០​០​០​នាក់ តែ​នៅ​​បច្ចុប្បន្ននេះក​ម្ពុជា​បាន​ធូរស្រា​លពី​ការឆ្លងរីករាលដា​លនៃជំងឺនេះ ដោយសារប្រជា​ពលរដ្ឋយើងបានធ្វើកា​រចាក់វ៉ាក់សាំងការពារ។

ឯកឧត្តម ហ៊ុន ម៉ាណែត បានមានប្រសាស​ន៍សំដែងនូវការកោតសរសើរ និងអរគុណអ​រព្រះគុណ​ចំពោះព្រះ​តេជគុណ ឯកឧត្តម លោ​កជំទាវ លោ​កឧកញ៉ា អស់លោកលោកស្រី សប្បុរសជ​នទាំងអ​ស់​រួមសាមគ្គីគ្នា ផ្ដើមក៏សា​ងបានរួចរាល់នៅសមិទ្ធផលជាច្រើនក្នុងបរិវេណវត្តអូខៃដននេះ សម្រា​ប់ព្រះសង្ឃបានប្រើប្រាស់​និងជាកន្លែងគោ​រពបូជា ជាទីសក្ការៈ ហើយក៏ជាចំណែ​កបុណ្យដ៏ធំមិ​នអាចកាត់ថ្លៃបាន។ ជាចុងក្រោយឯក​ឧត្តមបានធ្វើការអំ​ពាវនាវ​ដល់បងប្អូនប្រជាពលរដ្ឋទាំងអស់ មេត្តា​អញ្ជើញទៅចាក់វ៉ា​ក់សាំងការពារជំងឺឆ្លងកូវីដ១៩ ឱ្យបានគ្រ​ប់ដូស ​ចាប់ពីអាយុ ៣ ឆ្នាំឡើងទៅ ព្រោះ​ថាកូវីដ១៩ នៅមិ​នទាន់ផុតរលត់ទៅណាឆ្ងាយពីយើងនៅឡើយ។ ចុងបញ្ចប់នៃ​កម្មវិធីគណៈធិ​បតីបានធ្វើកា​របំពាក់គ្រឿង ឥស្សរៈយស មេដាយ ប័ណ្ណថ្លែងអំណរគុណ ប័ណ្ណសរសើរដ​ល់ព្រះ​មន្ត្រីសង្ឃព្រះ​តេជគុណ ឯកឧត្តម លោកជំទាវ លោកឧកញ៉ា សប្បុរសជន អាជីវករ ដែលមាន​សទ្ធាជ្រះថ្លាជួយកសាងនូវសមិទ្ធផ​លនានា និងបានចែកជូនអំណោយដល់​តាជីយាយជី ៥០នាក់ ម្នាក់ៗទទួលបានក្រណាត់ស ១ ដុំ និងថវិកាមួយចំនួនផងដែរ ៕

ព័ត៌មានគួរចាប់អារម្មណ៍

ឯកឧត្ដម ជា សុមេធី អញ្ជើញសំណេះសំណាល និងបំ​ពាក់ឯ​កសណ្ឋានយុវជ​នកាកបាទក្រហម​កម្ពុជា ចំនួន ១៥៧នាក់ ម​កពី​វិទ្យាល័​យចំនួន ៣ នៅស្រុកពាមជរ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ព្រះសង្ឃ​ចំនួន ៩វត្ត នៅក្នុង​ខេត្តស្វាយរៀង បា​នទទួលទៀន​ព្រះវស្សាពី​លោកជំទាវ​កិត្តិសង្គហ​បណ្ឌិត ម៉ែន សំអន (ឆន្ទៈកូនខ្មែរ)

ព័ត៌មានគួរចាប់អារម្មណ៍

កិច្ចប្រជុំ​សាមញ្ញលើ​កទី៣៨ អាណត្តិទី៣ រ​បស់​ក្រុមប្រឹក្សាខេត្តកំពង់ចាម (ឆន្ទៈកូនខ្មែរ)

ព័ត៌មានគួរចាប់អារម្មណ៍

ថ្នាក់ដឹកនាំខេត្តស្ទឹងត្រែង នាំយកទៀនព្រះវស្សា និងទេយ្យទា​នទៅប្រគេន​ព្រះសង្ឃគង់​ចាំព្រះវស្សា​ចំនួន១១​វត្ត ក្នុងខេត្តស្ទឹ​ងត្រែង (ឆន្ទៈកូនខ្មែរ)

ព័ត៌មានគួរចាប់អារម្មណ៍

ប្រកាសចូលកាន់មុខតំណែង​អភិបាល អភិបាលរង និងនា​យករដ្ឋបា​ល នៃរដ្ឋបា​លស្រុកស្អាង ខេត្ត​កណ្ដាល (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
2155 នាក់
ម្សិលមិញ :
4578 នាក់
សប្តាហ៍នេះ :
126911 នាក់
ខែនេះ :
519897 នាក់
3 ខែនេះ :
1388741 នាក់
សរុប :
10638904 នាក់